Japonııanyń «Serendix» qurylys kompanııasy 3D prınter arqyly shaǵyn úıler jasaıtyn startap jobasyn iske asyrdy, dep habarlaıdy Egemen.kz 4PDA saıtynyń aqparatyna súıenip.
Kólemi 50 sharshy metr turǵyn úıdi japon qurylysshylary 44 saǵat 30 mınýtta salyp, 37 myń AQSh dollaryna satyp otyr. 3D tehnologııasymen boı kótergen Fujitsubo úıde jatyn bólme, as bólmesi, vanna, qonaq bólme bar. Japonııanyń densaýlyq saqtaý standartyna saı salynǵan úı jas otbasylarǵa, jalǵyzbasty jandarǵa óte qolaıly.
«Avtokólik ónerkásibinde 40 jyl buryn ınnovasııalyq prosesterdi robottardyń júzege asyrýy baǵa tómendetti. Bizdiń paıymdaýymyzsha, 3D arqyly baspana salý turǵyn úı salasyn tolyqqandy robottandyrýdyń bastamasy bolady», deıdi Serendix kompanııasynyń ókilderi.
Búgingi tańda kompanııa turǵyn úılerdi eki táýlikke jeter-jetpes ýaqytta salýdy bes prınter arqyly júzege asyryp otyr. Kelesi jyly qosymsha 12 prınterdiń kúshimen jylyna 850 úı salyp, satýdy iske asyrmaq.