Sınoptıkter 2023 jyldyń 15 qyrkúıegine arnalǵan aýa raıy boljamyn usyndy, dep habarlaıdy Egemen.kz.
«Qazgıdromet» RMK málimetinshe, atmosferalyq frontaldy ýchaskelerdiń ótýimen Qazaqstan Respýblıkasynyń basym bóliginde turaqsyz aýa raıy saqtalady.
Aıta ketsek, respýblıkanyń batysynda, shyǵysynda, ońtústik-shyǵysynda kún kúrkirep, qatty jańbyr jaýady, eldiń ońtústik-shyǵysyndaǵy jáne shyǵysyndaǵy taýly aımaqtarda da jaýyn-shashyn bolady.
Sondaı-aq respýblıka boıynsha batysta, shyǵysta, ońtústik-shyǵysta ekpindi jel soǵady, ortalyqta, ońtústik-shyǵysta burshaq jaýýy múmkin, batysta, soltústikte, ortalyqta túnde jáne tańerteń tuman kútiledi.
Elordada aýa raıy kóshpeli bultty bolady, azdap jańbyr jaýady. Túnde jáne tańerteń tuman kútiledi. Soltústik, soltústik-batystan 2-7 m/s jel soǵady. Aýa temperatýrasy túnde +5+7°S, kúndiz +17+19°S.
Almatyda kóshpeli bult shyǵady, keı jerlerde jańbyr jaýady, naızaǵaı oınaıdy. Soltústik-shyǵystan jel soǵady, ekpini 13 m/s bolady. Aýa temperatýrasy túnde +11+13°S, kúndiz +15+17°S.
Shymkentte kóshpeli bult shyǵady, jaýyn-shashyn kútilmeıdi. Soltústik-shyǵystan 5-10 m/s jel soǵady. Aýa temperatýrasy túnde +10+12°S, kúndiz +25+27°S.