«Kieli tabigat» ekologııalyq aksııasy Jambyl oblysynda da jalǵasty. О́ńirdegi kıeli jerlerdi tazalap, qalpyna keltirý, qundylyqtarǵa qurmetpen qaraýdy jastardyń boıyna sińirý maqsatynda ótkizilgen senbilikti oblys ákimdigi Jastar saıasaty máseleleri basqarmasy jastar qoǵamdyq birlestikterimen birlese atqardy.
Aksııa barysynda belsendi jastar óńirdegi barlyq tarıhı oryndy tazalaý jumysyna jumyla atsalysty. «Tarıhy myńjyldyqtarmen astasyp jatqan óńirimizde qasıetti oryndar az emes. Aksııa aıasynda jambyldyq jastar Aısha bıbi, Taraz qalasyndaǵy Qarahan, Baızaqtaǵy Baızaq datqa, Turar Rysqulov aýdanyndaǵy Dýlat baba, Jýalydaǵy Batyrbek datqa, Moıynqumdaǵy Kereı men Jánibek kesenesin, sondaı-aq Merki, Tamdy, Barkýab, Balasaǵun (Aqtóbe) qalashyqtary, ózge de kıeli oryndardyń mańyn qoqystan tazartý jumysyna belsendi qatysty», deıdi oblys ákimdigi Jastar saıasaty máseleleri basqarmasynyń basshysy Jomart Zulpyhar.
Dástúrli túrde ótkizilip júrgen aksııany óńirlerde jastar resýrstyq ortalyqtary uıymdastyrǵanyn atap ótken jón. Ortalyq keltirgen derekke sensek, senbilikke 450-ge jýyq jas jumyla qatysypty.
«Kıeli jerlerdi kútip ustaý – bizge amanat. О́ńirimizdegi tarıhı qalashyqtardy kórýge keletin týrıster az emes. Olar tarıhı oryndardyń aınalasyn taza ustap, qoqys laqtyryp ketpese eken deımiz. Qorshaǵan ortaǵa janashyrlyqpen qaraý da mádenıet. Jurt osyny esinen shyǵarmasa eken», deıdi Aısha bıbi kesenesiniń mańyn qoqystan tazartqan jastar.