Bas prokýratýra men Ishki ister mınıstrligi Syrtqy ister mınıstrliginiń kómegimen Túrkııa Respýblıkasynan Qazaqstan azamatyn qylmystyq jaýapkershilikke tartý úshin ekstradısııalady, dep habarlaıdy Egemen.kz QR Bas prokýratýrasynyń baspasóz qyzmetine silteme jasap.
Ol qurylys kompanııalaryna tıesili 1 mlrd teńgege jýyq, sonyń ishinde aýrýhana salýǵa arnalǵan qarajatty urlady degen kúdikke ilingen.
Kúdikti 2014 jyldan beri halyqaralyq izdeýde bolǵan. Endi kúdikti Astanadaǵy tergeý ızolıatorynda otyr.
«Atalǵan qylmystyq quqyq buzýshylyq úshin múlikti tárkileı otyryp, 5 jyldan 10 jylǵa deıin bas bostandyǵynan aıyrý jazasy qarastyrylǵan», dedi Bas prokýratýranyń resmı ókili Darhan Dúısembaı.