Jas ǵalymdarǵa jaǵdaı jasaldy

Bilim alýǵa jasalǵan qolaıly ınfraqury­lym­dy baǵalaı otyryp, stýdentterdiń oqý ǵımarattary men úılerin qa­rap shyqty. Sala basshy­sy Bıo­tehnologııa jáne ekologııa ǵy­ly­mı-zertteý ınstıtýtyn­da bolyp, mekemeniń ǵylymı qyzmet­ker­lerimen kezdesti. Dıalog barysyn­da ózekti jobalar men olardyń damý áleýeti, atap aıtqanda, aýyl sha­rýa­shylyǵy salasyndaǵy ázir­le­me­lerge shoǵyrlanǵan mole­ký­la­lyq genetıka jáne genomı­ka zert­hana­synyń jumysy talqy­lan­dy. On­daǵy zertteýdiń mańyzdy baǵyty – daqyl­dardyń ıkemdi­ligi men ártúrli stress faktorǵa tózimdiligin arttyrý.

Odan keıin mınıstr ýnıversıtetke jınalǵan oblys jurt­shylyǵy ókilderimen dıdarlasty. Jıynǵa turǵyndardan bólek mem­lekettik jáne jergilikti atqarý­shy organ­dardyń ókilderi, pro­fessor-oqytý­shylar quramy men joǵary oqý oryndarynyń stý­­dent­teri qatysty. Jıynda elimiz ben óńirimizdiń ǵylym jáne joǵary bilim júıesin damy­týdyń negizgi máseleleri tal­qylandy. Mı­nıstr óz sózinde elimizdegi ǵy­lym, joǵary bilim jáne jo­ǵary oqý ornynan keıingi bilim sala­syn­daǵy negizgi jetistikter men nátı­jelerge sholý jasady. Ol el bo­la­shaǵy úshin bilim men ǵylymdy da­my­tý­dyń mańyzdylyǵyn atap ótip, mı­nıstr­liktiń strategııalyq maq­sat­tary men basymdyqtary týra­ly aıt­ty. Bilim berý sapasyn jaq­sar­týǵa jáne ǵylymı zertteýlerdi qol­daýǵa baǵyttalǵan josparlar men mindetterge erekshe nazar aýdaryldy.

Sondaı-aq Saıasat Nurbek qazirgi ǵylym men joǵary bilim berý júıesi aldynda turǵan negizgi úr­dis­ter men syn-tegeýrinderge taldaý ja­sady. Ol jańa tehno­lo­gııalyq jáne áleý­mettik ózgeris­terge beıim­de­lý qa­jet­in atap ótip, is-shara­ǵa qa­­ty­sý­­shylarǵa belsendi qatysqany jáne pikir almasqany úshin alǵysyn bil­­­d­irdi. 

Kezdesý barysynda sala basshysy turǵyndardyń suraq­taryna jaýap berdi. Gýmanıtarlyq ǵy­lym­dar joǵary mektebiniń oqytý­shy-lektory 2030 jyldan keıin elimizde joǵary bilim alýǵa arnal­ǵan granttardyń saqtalýyna qatys­ty suraq qoıdy. Bul másele «Keleshek» bolashaq stýdentterdi oqytý úshin biryńǵaı birlesken jınaq­taý júıesin qurýmen baı­lanys­ty týyndap otyr. Mınıstr «mem­lekettik granttardy bólý saq­ta­lady, al josparlanǵan «Kele­shek» baǵdarlamasy granttyń bóli­nýine eshqandaı áser etpeıdi», dep jaýap berdi. Balanyń shotyndaǵy aqsha onyń grantqa túsý-túspeýi­ne qa­ra­mastan saqtalady dep naqtylady.

Is-shara sońynda Saıasat Nurbek oblys azamattaryn jeke qabyldap, olarǵa joǵary bilim men ǵylym bo­ıynsha óz máseleleri men pikirlerin bil­dirýge múmkindik berdi. Azamat­tar óńirdegi bilim berý men ǵyly­mı sala­ny damytýǵa baılanysty túr­li taqyrypty talqylaýǵa bel­sendi qatysty. Mınıstr kezdesýge qatysýshylardy tyńdap, ma­ńyz­dy máselelerdi belsendi tal­qy­laǵany úshin rızashylyǵyn bil­dirip, halyqpen ashyq dıalogtiń ma­ńyz­­dylyǵyn atap ótti jáne Jetisý oblysyndaǵy bilim men ǵylym­dy damytý strategııasyn ázirleý kezinde alynǵan barlyq pikirdi eskerýge ýáde berdi.

Tústen keıin S.Nurbek Taldy­­qorǵan qalasynyń mektep oqý­shylarymen jáne mentorlarmen kezdesip, Memleket basshysynyń bıylǵy Joldaýynda aıtylǵan jas urpaqtyń qaýipsizdigi, psı­hı­­kalyq saýlyǵy, zorlyq-zom­by­lyqqa qarsy is-sharalar jáne bilim sapasy taqyrybynda dári­sin ótkizdi. Eske sala keteıik, Taldy­qorǵan qalasynda oblys ákimi B.Isa­baevtyń tapsyrmasy boıynsha qanatqaqty rejimde 1 qyrkúıekten bastap Jetisý oblysynyń qoǵam­dyq damý basqarmasy janynan «Ádep-tárbıe jónindegi mentor» jobalyq keńsesi qurylǵan edi. On­da­ǵy maqsat – oqýshylardyń tul­ǵa­lyq damýyn mentorlyq súıe­meldeý jáne quqyqqa qaıshy minez-qulyqtyń barlyq túriniń aldyn alý arqyly biryńǵaı tárbıe keńistigin qalyptastyrý. Jobanyń mazmunymen tanysqan mınıstr onyń mańyzdylyǵyn atap ótip, oqýshylardyń saýatty ómir súrýine, óz jolyn ońaı tabýyna jár­demdesetinine senim bildirdi.

Jetisý oblysy