Ǵylymdy damytý baǵyttary

Otyrysty ashqan Úkimet basshysy kúni keshe ǵana Dúnıejúzilik zııatkerlik menshik uıymy 2023 jylǵa arnalǵan Jahandyq ınnovasııalyq ındeks jarııalanǵanyn atap ótti. Ol ǵylymǵa, bilim berý júıesine jáne ınfraqurylymǵa qatysty 80-ge jýyq kórset­kishti qamtıdy.

«Qazaqstan Úndistan men Iran­nan keıin Ortalyq jáne Ońtús­tik Azııa aımaǵy boıynsha úzdik 3 ınno­vasııalyq ekonomıkanyń qatary­na endi. Sıfrlyq damý, Ǵylym jáne joǵary bilim mınıstrlikteri eli­mizdiń halyqaralyq arenadaǵy po­zı­­sııalaryn jaqsartý úshin ǵa­lym­­­darǵa qajetti jaǵdaı jasaý jáne ınfra­qurylymdy damytý jumys­taryn jalǵastyrýy kerek», dedi Á.Smaıylov.

Sala basshysy Saıasat Nurbek ha­lyqaralyq tájirıbeni, atap aıt­qanda, Eýropa Odaǵy elderi, Kanada, Aýstralııa, Malaızııa, Ispa­nııa jáne basqa da memleketterdi, sondaı-aq Mem­leket basshysynyń halyq­qa Jol­daýynda jáne basqa da baǵ­dar­lama­lyq qujattarda belgi­lengen stra­­tegııalyq mindetterdi eskere oty­­ryp, aldaǵy jyldarǵa arnal­ǵan ǵy­lym­dy damytýdyń alty basym baǵyty ázirlengenin aıtty. Ult­tyq qaýip­sizdikti qamtamasyz etý ba­ǵy­ty jeke qarastyrylatyn bolady.

Bul tizimge «Ekologııa, qorshaǵan orta jáne tabıǵatty utymdy paıdalaný», «Energııa, ozyq materıaldar jáne kólik», «Ozyq ón­diris, sıfrlyq jáne ǵaryshtyq tehnologııalar», «Eldiń zııatkerlik áleýeti», «О́mir jáne densaýlyq týraly ǵylym» jáne «Agroónerkásip keshenin turaqty damytý» baǵyttary endi. О́z kezeginde baǵyttardyń árqaısysy 8-den 18-ge deıingi bólikterden turady.

Jalpy, belgilengen basymdyqtar sheń­berinde sý resýrstaryn utymdy paı­dalaný, topyraq sapasyn saq­taý, energetıkalyq qaýipsizdikti (so­nyń ishinde jylý energııasyn) qamta­masyz etý, parnıktik gazdar shy­ǵa­ryndylaryn azaıtý jáne jańar­ty­latyn kózderdi damytý máse­lelerine nazar aýdarylady.

Talqylaý jáne daýys berý nátı­jeleri bo­ıynsha Joǵary ǵyly­mı-tehnıkalyq komıssııa atalǵan tásilderdi maquldady.

Sonymen qatar jıynda ǵylymı-teh­nıkalyq mindetterdi júzege asyrý máse­leleri qaraldy.