Germanııa Federatıvtik Respýblıkasyna resmı saparmen barǵan Prezıdent Qasym-Jomart Toqaev Germanııa ekonomıkasy Shyǵys komıtetiniń (GEShK) uıymdastyrýymen ótken eki el isker toptarynyń dóńgelek ústeline qatysty, dep habarlaıdy Egemen.kz Aqordanyń baspasóz qyzmetine silteme jasap.
Dóńgelek ústelde sóılegen sózinde Memleket basshysy aýylsharýashylyǵy salasyndaǵy áriptestik baılanys pen yntymaqtastyqty nyǵaıtýdyń múmkindigi mol ekenin aıtty.
«Qazaqstan óńirdiń azyq-túlik habyna aınalýdy josparlap otyr. Osy maqsatta ónim óndirý, saqtaý jáne taratý jumystaryn ushtastyratyn saýda-logıstıkalyq baılanystardyń óńiraralyq júıesi qurylady. Qazaqstannyń aýyl sharýashylyǵyn ornyqty damytýǵa ártúrli salada, sonyń ishinde bıotehnologııaǵa jáne tyńaıtqyshtar óndirýge, spýtnık arqyly zondtaýǵa jáne jasandy ıntellektige, aýyl sharýashylyǵy tehnıkasyn shyǵarýǵa, ırrıgasııaǵa, sondaı-aq tamaq ónerkásibine, genetıka men jańartylatyn energııa kózderine mamandanǵan Germanııanyń kóptegen kompanııasy tartylýy múmkin. Biz IT ónimder men qyzmetter eksportyn 1 mıllıard dollarǵa deıin ulǵaıtýdy jáne 2025 jylǵa qaraı jahandyq deńgeıdegi básekege qabiletti 100 myń IT maman daıyndaý arqyly adamı kapıtaldy nyǵaıtýdy josparlap otyrmyz. Biz germanııalyq seriktesterimizben yntymaqtastyqtyń birneshe baǵyty boıynsha, sonyń ishinde ǵylymı-zertteý jáne tájirıbelik-konstrýktorlyq jumystar, startaptar, bilim berý, baılanystar jáne basqa da ózekti salalardaǵy jobalardy iske asyrýǵa daıynbyz», degen Prezıdent yntymaqtastyqtyń bir baǵyty esebinde IT tehnologııa salasyn da óristetýge bolatynyn jetkizdi.
«Prezıdent Qazaqstannyń sıfrlyq transformasııa baǵytyndaǵy bastamalary álemdik deńgeıde moıyndalǵanyn atap ótti. BUU bizdiń elektrondy úkimet júıesin TOP-30 tizimine engizdi», delingen Aqordanyń habarlamasynda.