Qazaq ulttyq qyzdar pedagogıkalyq ýnıversıtetinde sabaq berý úshin Konıa qalasynan arnaıy baǵdarlamamen kelgen tarıh ǵylymdarynyń doktory Mustafa Demırjı qazaq tilin úırenýdi bastaǵan. Bul týraly Ǵylym jáne joǵary bilim mınıstrliginiń baspasóz qyzmetinen málim boldy, dep habarlaıdy Egemen.kz.
Túrkııanyń top 10 ýnıversıtetteriniń qataryna kiretin Seldjýk ýnıversıtetiniń professory tarıh kafedrasynyń stýdentterine «О́rkenıetter tarıhy», «Islam órkenıetin zertteýdegi negizgi máseleler», «Túrkistandaǵy saıası jaǵdaı jáne musylmandardyń Orta Azııany jaýlap alýy» sekildi ózekti taqyryptar boıynsha semınarlar oqyp júr. Dárister tek aǵylshyn tilinde ótip jatyr. Alaıda, professor stýdenttermen sóılesý barysynda qazaq tilin unatyp, ony qyzyǵýshylyqpen úırenýdi bastap ketken.
Aıta ketsek, arab, aǵylshyn, fransýz, parsy tilderinde erkin sóıleıtin Mustafa Demırjı Qazaq ulttyq qyzdar pedagogıkalyq ýnıversıtetine kelgen kúnnen bastap bir aı ishinde qazaq tilinde taza sóıleýdi aldyna maqsat etip qoıǵan eken.
Sondaı-aq tarıh ǵylymyn zertteýde 28 jyldyq tájirıbesi bar professor atalǵan oqý ornyndaǵy jumysy barysynda professorlyq-oqytýshy qurammen birlesken halyqaralyq jobalardy jasaý jaǵyn da qarastyrady.