Oqıǵa Almaty oblysy Ile aýdanynda bolǵan. № 219 avtobýs baǵdary júrgizýshisiniń ózin nashar sezinip otyrǵanyn baıqaǵan 8 synyp oqýshysy qoǵamdyq kólikti der kezinde toqtatyp, jolaýshylardy apattan arashalap qaldy, dep jazady Egemen.kz.
Almaty oblysy ákimdiginiń málimetinshe júrgizýshiniń talmasy ustap, avtobýsty basqara almaı qalǵan. Sol kezde oqýshy tez arada tejegishti basyp, avtobýsty dereý toqtatqan.
Oqıǵa kýágerleri oqýshy lezde áreket etpegende, avtobýs jaqyn mańdaǵy ǵımaratqa soǵylyp, jolaýshylardyń densaýlyǵyna zaqym kelýi múmkin ekenin aıtty.
Bútin bir avtobýstaǵy jolaýshylardy qutqaryp, batyl áreket jasaǵan balanyń esimi - Aqjol. Ol atalǵan aımaqtaǵy 24 lıseıdiń 8 «E» synyp oqýshysy.