29 qarashada Qyzylsaı tabıǵı parki men «Jabaıushqan» memlekettik tabıǵı qaýmalynyń mamandary Bóribas jerinde kezekti reıd júrgizgen. Is-shara barysynda Nissan Patrol avtokóligimen Jańaózen qalasynyń turǵyndary ustaldy, dep habarlaıdy Egemen.kz.
«Tekserý barysynda avtokóliktiń júk salǵyshynan Qyzyl Kitapqa engen bir arqar tabyldy. Sondaı-aq 26 oǵymen 1 ańshy myltyǵy jáne 2 ańshy pyshaǵy tárkilendi», dedi «Jabaıushqan» memlekettik tabıǵı qaýmalynyń basshysy Juldyzbek Esenǵalıev.
Atalǵan derek Mańǵystaý aýdandyq Polısııa bólimine habarlanyp, tirkelgen.
«Qazirgi ýaqytta QR Qylmystyq kodeksiniń 337-baby boıynsha tergeý júrgizilip jatyr», dep málim etti Mańǵystaý aýdandyq polısııa bólimi.