Qys mezgili bastalyp, qar mol túsýine baılanysty kommýnaldyq qyzmetter táýlik boıy kúsheıtilgen rejımde jumys isteıtinin elorda ákimdigi resmı saıtynda habarlady, dep jazady Egemen.kz.
6 jeltoqsanda tańerteńgilik ýaqytta qala kósheleri qaryn kúreýge 2000-nan astam jol jumysshysy jáne 1000-ǵa jýyq arnaıy tehnıka jumyldyryldy.
Áýeli, ortalyq kósheler, jolaýshylar kóligi jıi qatynaıtyn oryndar, aıaldamalar, trotýarlar tazalanady.
Esterińizge salaıyq, sınoptıkter boljamynsha, Astanada 6 jeltoqsanda qarly boran, kóktaıǵaq bolady, soltústik-batystan ekpini 15-20 m/s keıde 23 m/s jel soǵady.
Qalada jabdyqtalǵan birneshe qar polıgony bar. Olar samosval tehnıkasynyń nómirlik belgilerin sanaý júıesimen jabdyqtalǵan, munda beınebaqylaý kameralary ornatylyp, jaryqtandyrý qosylǵan.