Salyq kodeksiniń «Jer salyǵy» 14-bólimine sáıkes salyq salý maqsatynda barlyq jerler belgili bir sanatqa jatady, dep jazady Egemen.kz.
Sonymen salyq kodeksiniń 498-babyna sáıkes menshik quqyǵynda, turaqty jer paıdalaný quqyǵynda, bastapqy óteýsiz ýaqytsha jer paıdalaný quqyǵynda salyq salý obektileri bar tulǵalar jer salyǵyn tóleýshiler bolyp tabylady.
Odan ári jer ýchaskelerine salyq salý maqsatynda Salyq kodeksiniń 61-taraýyna sáıkes salyq stavkalary qoldanylady.
Salyq kodeksiniń 505-babynda eldi mekenderdegi jer ýchaskeleri úshin bazalyq salyq stavkalary kórsetilgen jáne Salyq kodeksiniń 505-baby kestesiniń 3-baǵanynda kórsetilgen bazalyq stavkalar boıynsha salyq salýǵa jatady.
Iаǵnı, ǵımarattar men qurylystardy qosa alǵanda, turǵyn úı qory alyp jatqan aýdandyq mańyzy bar qalalardaǵy jer ýchaskelerine bir sharshy metrge 0,39 teńge salyq stavkasy salynady.
Al turǵyn úı qory, qurylystar nemese qurylystar alyp jatpaǵan jerler úshin sharshy metri úshin 6,75 teńge mólsherlemesi qoldanylady.
Salyq kodeksiniń 48-babynyń 1-tarmaǵynyń 1-tarmaqshasyna sáıkes salyq organy 3 jyl ishinde salyqtar men bıýdjetke tólenetin tólemderdiń eseptelgen somasyn esepteýge nemese qaıta qaraýǵa quqyly.
Ýákiletti organnan kelip túsken málimetter negizinde Qonaev qalasynda jeke turǵyn úı qurylysynyń nysanaly maqsaty boıynsha turǵyn úı qorymen qamtylmaǵan, menshik ıeleri jeke tulǵalar bolyp tabylatyn 3 720 jer ýchaskeleri anyqtaldy.
Ýákiletti organnyń málimetteri negizinde Qonaev qalasy boıynsha Memlekettik kirister basqarmasymen Salyq kodeksiniń 505 babyna sáıkes, Qonaev oblystyq mańyzy bar qala bolǵandyqtan, salyq bir sharshy metrge 6,75 teńge bazalyq mólsherleme boıynsha esepteledi.
Qonaev qalasy boıynsha 3720 jer ýchaskesine 2020-2022 jyldarǵa eseptelgen jalpy salyq somasy 75,3 mln teńgeni qurady.
Búgingi kúni 1846 salyq tóleýshi 32,0 mln teńge salyq tóledi.
Sondaı-aq Salyq kodeksiniń 117-babyna sáıkes, eger salyq tóleýshi buryn tıisti salyq kezeńinde jáne jer salyǵynyń naqtylanǵan somasyn tóleý kezinde jer salyǵy boıynsha tólemder júrgizgen bolsa, onda osy kezeń úshin ósimpul eseptelinbeıdi.