Kóliktiń órtenýi páterler men jeke úılerden shyǵatyn órtten keıin jıi týyndap jatady. Búginde avtokólik tez tutanyp, ıesiniń kóz aldynda órtenip ketetin jaǵdaılar jıi kezdesedi. Eski kólikte de, jańa kólikte de jaǵdaı osyndaı, dep jazady Egemen.kz qala ákimdiginiń resmı saıtyna silteme jasap.
Uzaq ýaqyt boıy mehanızmder men elektr jabdyqtarynyń aqaýlary bar avtokólik quraldaryn paıdalaný, sondaı-aq túrli qosymsha elektr jabdyqtaryn ruqsatsyz paıdalaný elektr jabdyqtarynyń qyzyp ketýine, tuıyqtalýyna ákeledi. Munyń sońy órttiń shyǵýyna aparyp soǵady dep eskertedi qutqarýshylar.
Negizgi sebep – elektr symdarynyń qysqa tuıyqtalýy. Júrgizilgen taldaýǵa sáıkes, shyqqanyna 10 jáne odan da kóp jyl bolǵan kólik quraldarynyń órtke ushyraý qaýpi joǵary.
Kóliktiń órtenýi birden baıqalmaıdy. Ony tútinniń ıisi shyqqan kezde ǵana baıqaýǵa bolady.
Avtokólikti órtten qorǵaý úshin kólik ıeleri men júrgizýshilerge mynadaı keńes beriledi:
- tehnıkalyq baıqaýdan ýaqytynda ótý;- magnıtolany, dabyl júıesin, qozǵaltqyshty iske qosý aldyndaǵy jylytqyshyn tek mamandandyrylǵan ortalyqtarda ornatý;- kólik salonynda árqashan órt sóndirgish bolýy kerek;- barlyq elektr jabdyqtarynyń jaramdylyǵyn baqylaý qajet;- qozǵaltqyshtyń germetıkalyǵyn, sondaı-aq jaramdylyǵyn baqylaý;- qozǵaltqysh bóliginde bógde, tez tutanatyn zattardy ustamańyz;- janar-jaǵarmaı materıaldaryn tek aǵyp ketpeıtin germetıkalyq ydystarda tasymaldaý.
Eger gaz otyn retinde paıdalanylsa, onda gaz jabdyqtaryn únemi tekserip otyrý qajet.
Eger siz benzınniń, janyp turǵan ıisti sezseńiz, sorǵyshtyń astyndaǵy tútindi kórseńiz, kólikti dereý toqtatyp, qozǵaltqyshyn óshirińiz. Salondaǵy jolaýshylardy birden syrtqa shyǵaryńyz, kapot astyndaǵy keńistikke aýanyń kóp kirmeýi úshin ony tolyǵymen ashpańyz, qozǵaltqysh bóligin sóndirý qozǵaltqysh bóliginiń astynan, sondaı-aq sál ashyq kapot astyndaǵy keńistikten jasalady, dereý «101» nómirine qońyraý shalyńyz.
О́rt sóndirýshiler kelgenge deıin qaýipsiz bolǵan jaǵdaıda ǵana óz betińizshe, ıaǵnı ımprovızasııalanǵan quraldarmen – órt sóndirgishpen nemese tyǵyz shúberekpen sóndirýge tyrysyp kórýińizge bolady. О́rt sóndirgishti qoldaný qajet. Qozǵaltqyshty sýmen sóndirýge bolmaıdy!
Sý symdardyń qysqa tuıyqtalýyna nemese janyp jatqan benzınniń taralýyna ákelýi múmkin. О́rt sóndirgishti avtomobıldiń salonynda saqtaý kerek, sonda ol árqashan qoljetimdi bolady jáne jyldam paıdalana alasyz.