Keler jyldyń gazet, jýrnaldaryna jazylý naýqanynan el senimin arqalaǵan depýtattardyń da tysqary qalmaǵany qandaı ǵanıbet? Sonyń ishinde elimizdiń basty gazeti «Egemenge» janashyrlyq júrekpen, qamqor kóńilmen ózderi ǵana jazylyp qoımaı, ardaqty aǵalardyń, aqjaýlyqty analardyń jazylýyna qolushyn sozǵan azamattardyń isine súısinbeýge bola ma?
Parlament Májilisiniń depýtattary Erbolat Satybaldın men Amanjol Áltaı Ulytaý oblysynyń 50 eńbek ardagerin 2024 jylǵa «Egemen Qazaqstan»-ǵa óz qarajattaryna jazdyryp berdi.
– Bul qos jigitke alǵysymyz sheksiz. Bizdiń biraýyz sózimizdi jerge tastamady, ótinishimizdi qup aldy. Nátıjesinde, 50 ardagerimiz «Egemenge» tegin jazyldy. Depýtat retinde halyqtyń kókeıindegi máselelerdi kóterip júretin olar endi, mine, osyndaı da azamattyq tanytyp otyr. Biz muny ardagerlerge ǵana emes, qazaqtildi baspasózge degen qamqorlyq dep baǵalaımyz. Olardyń denderine saýlyq, shańyraqtaryna shattyq, qyzmetine abyroı tileımiz, deıdi Ulytaý oblysy Ardagerler Keńesiniń tóraǵasy Saǵyndyq aǵa Qojamseıitov.
Májilis tórinde júrgen qos depýtattyń aqjoltaı jomarttyǵy basqa azamattarǵa da juǵysty bolǵaı!
Ulytaý oblysy