Keshe Premer-Mınıstr Kárim Másimovtiń tóraǵalyǵymen “Astananyń jańa ýnıversıteti” AQ Dırektorlar keńesiniń kezekti otyrysy ótti, dep habarlady Premer-Mınıstrdiń baspasóz qyzmeti.
Otyrysqa qatysýshylar ýnıversıtettiń daıarlyq ortalyǵynda oqýǵa qabyldaý erejelerin, onyń Halyqaralyq konsýltatıvtik jáne О́nerkásiptik keńesteriniń quramyn bekitti.
Astananyń jańa ýnıversıtetiniń ashylýy 2010 jyldyń 28 maýsymyna belgilengen, sol kúni áriptes ýnıversıtetter – halyqaralyq jetekshi joo-larmen áriptestik kelisim-sharttarǵa qol qoıý josparlanyp otyr. О́tinish bildirgen 3 myń abıtýrıenttiń ishinen úzdik degen 500 stýdent iriktelip alynatyn bolady.
Astananyń jańa ýnıversıteti el Prezıdenti N.Á.Nazarbaevtyń bastamasymen jedel damýdy jáne bilim berý men ǵylym júıesin halyqaralyq deńgeıge shyǵarýdy qamtamasyz etý, eldiń ǵylymı-tehnıkalyq jáne ınjenerlik elıtasyn qalyptastyrý úshin qurylǵan bolatyn. Jańa joo Qazaqstan Respýblıkasynyń 2020 jylǵa deıingi damýynyń strategııalyq josparyn júzege asyrý úderisin kadrlar jaǵynan qamtamasyz etý, sondaı-aq Astananyń Eýrazııanyń básekege qabiletti adamı kapıtaly bar ǵylymı-bilim berý jáne mádenı ortalyǵy retinde qalyptasý mindetterin sheshýge jaǵdaı jasaý maqsattaryn kózdeıdi.