Jetisý oblysynda Táýelsizdik esimdi bala turady. Osyndaı erekshe atty ıelengen ol Panfılov aýdany Kóktal aýylyndaǵy Abaı atyndaǵy orta mekteptiń 7 synybynda oqıdy, qazir 12 jasta, dep habarlaıdy Egemen.kz.
Oblys ákiminiń baspasóz qyzmeti málim etkendeı, 2011 jyly Táýelsizdik merekesi qarsańynda dúnıege kelgen tuńǵysh ulynyń esimin ákesi yrymdap qoıǵan jáne aıtýynsha Jeltoqsan oqıǵasynda qaza bolǵan Lázzat Asanova Kóktal aýylynyń týmasy, al Erbol Sypataev Panfılov aýdanynyń týmasy.
«Jeltoqsan oqıǵasynda el táýelsizdigi úshin qurban bolǵan azamattardyń erligi umytylmaýy tıis. Solardyń qurmetine jáne egemendiktiń qadirin bilip júrsin dep Táýelsizdik esimin berdim», deıdi ákesi Batyrbek Núsipov.
Táýelsizdik Batyrbekuly - oqý ozaty, synyp starostasy. Mektepishilik is-sharalarǵa belsendi qatysyp, árdaıym aldyńǵy qatardan tabylyp júr.
Mereke qarsańynda aýdan ákimi Marat Saǵymbek mektepke arnaıy baryp, esimi erekshe balaǵa smartfon syıǵa tartty.
Núsipovter – aýylda úlgili otbasy. Atalǵan otbasy mal sharýashylyǵymen aınalysyp, úsh balany sanaly qylyp tárbıelep, eńbekke de baýlyp, el damýyna úlesterin qosyp otyr.