Úkimet qaýlysymen Suńǵat Qýatuly Esimhanov Energetıka vıse-mınıstri bolyp taǵaıyndaldy, dep habarlaıdy Egemen.kz Úkimettiń baspasóz qyzmetine silteme jasap.
Suńǵat Esimhanov 1973 jyly Pavlodar oblysynda dúnıege kelgen.
Pavlodar memlekettik ýnıversıtetin, Qaraǵandy «Bolashaq» ózekti bilim berý ınstıtýtyn bitirgen.
1996-2000 jyldary aralyǵynda «Alıýmınıı Qazaqstan» AQ gıdrometallýrgııalyq sehynda eńbekti qalyptastyrý boıynsha ınjener, ekonomıst bolyp jumys istedi.
2001-2004 jyldary aralyǵynda Tabıǵı monopolııalardy retteý, básekelesikti qorǵaý jáne shaǵyn bıznesti qoldaý jónindegi agenttiginde jetekshi mamannyń mindetin atqarýshy, bas maman, bólim basshysy, basqarma basshysy qyzmetterin atqardy.
2004-2007 jyldary — Qazaqstan Respýblıkasynyń tabıǵı monopolııalardy retteý, básekelestikti qorǵaý agenttiginiń qurylymynda jumys istep, ár jyldary Mańǵystaý jáne Qaraǵandy oblystary boıynsha departamentterde dırektor boldy.
2008 jyly — «Qanysh Satpaev atyndaǵy arna» RMK bas dırektorynyń orynbasary.
2008-2010 jyldary — Pavlodar oblysy energetıka jáne kommýnaldyq sharýashylyq basqarmasy basshysynyń mindetin atqarýshy, basqarmasy basshysy.
2010-2013 jyldary — «Qazaqenergosaraptaý» AQ prezıdenti.
2013-2014 jyldary — Indýstrııa jáne jańa tehnologııalar mınıstrligi Elektr energetıkasy jáne kómir ónerkásibi departamenti dırektorynyń mindetin atqarýshy, departament dırektory.
2014-2018 jyldary — Energetıka mınıstrligi Atomdyq jáne energetıkalyq qadaǵalaý men baqylaý komıteti tóraǵasy.
2018-2020 jyldary — Energetıka vıse-mınıstri.
2020-2021 jyldary — Pavlodar oblysy ákiminiń birinshi orynbasary.
2021-2022 jyldary — «Samuryq-Energo» AQ basqarma tóraǵasy.
2022 jyldan qazirgi ýaqytqa deıin Energetıka mınıstrligi Atomdyq jáne energetıkalyq qadaǵalaý men baqylaý komıtetiniń tóraǵasy qyzmetin atqardy.
Sondaı-aq Úkimet qaýlysymen Jandos Demesinuly Nurmaǵanbetov energetıka vıse-mınıstri qyzmetinen bosatyldy.