Búgin, 20 jeltoqsanda Ortalyq kommýnıkasııalar qyzmetinde ótken brıfıngte Eńbek jáne halyqty áleýmettik qorǵaý mınıstri Svetlana Jaqypova 2024 jyly zeınetaqy boıynsha qandaı ózgerister bolatynyn aıtty, dep habarlaıdy Egemen.kz.
Mınıstrdiń aıtýynsha, bazalyq zeınetaqy tólemi ulǵaıyp keledi.
«Kelesi jyldan bastap biz eń tómengi shekti taǵy 5 paıyzǵa kóteremiz. Inflıasııa deńgeıine ındeksteý júzege asyrylady. 1998 jylǵy 1 qańtarǵa deıingi eńbek ótili úshin tólenetin yntymaqty zeınetaqy jáne 2024 jylǵy 1 qańtarda taǵaıyndalǵan tólemderi bar barlyq zeınetkerlerge ındeksteý 7%, ınflıasııa deńgeıinen 2%-ǵa oza otyryp júrgiziledi. Zeınetaqynyń ortasha mólsheri kelesi jyly shamamen 130 myń teńge bolady», dedi Svetlana JaqypovaOnyń sózinshe, 2023 jyly el azamattarynyń ortasha zeınetaqysy 120 myń teńge bolǵan.