Fýtzaldan Qazaqstan quramasy A tobynda synǵa tústi. Irikteý kezeńiniń 6 oıynyn da jeńilmegen ulttyq qurama 2024 jylǵy álem chempıonaty irikteý kezeńiniń qorytyndysynda Eýropadaǵy úzdik komanda dep tanyldy, dep jazady Egemen.kz.
20 jeltoqsan kúni el quramasy Rýmynııamen kezdesip, 2:0 esebimen jeńiske jetti. Osylaısha Fýtzaldan Qazaqstan quramasy irikteý kezeńderinde jeńilmegen jalǵyz komanda boldy. Bul oıynda Shyńǵys Esenamanov 8, Birjan Orazov 26-mınýtta qarsylas qaqpasynan sańylaý tapty.
Buǵan Rıkardo Kaka shákirtteri Rýmynııany 4:3, eki márte Nıderlandty 2:0, 2:0, Ázerbaıjandy 4:2, 3:2 esebimen tize búktirgen edi.
Alty týrdan keıin 18 upaı jınaǵan Qazaqstan quramasy týrnır kestesinde kósh bastady. Qazaqstan quramasy álem chempıonatynyń joldamasyna bir týr buryn qol jetkizdi. Fýtzaldan álem chempıonatynyń irikteý kezeńinde bul kórsetkishti basqa eshbir komanda qaıtalaı almady. Ekinshi satyda úzdik qorytyndyny 16 upaı, 5 jeńis, 1 teń nátıjemen Ispanııa, Fransııa quramasy kórsetti.