Sybaılas jemqorlyqqa qarsy is-qımyl agenttigi sport salasynda jemqorlyq áreketterdiń bar-joǵyn anyqtap, taldaý júrgizedi. Antıkor Týrızm jáne sport mınıstrligin tekserýdi bastaıdy, dep jazady Egemen.kz.
Taldaý sheńberinde Týrızm jáne sport mınıstrliginiń, onyń ishinde onyń vedomstvolyq baǵynysty uıymdarynyń sportty qarjylandyrý máseleleri jónindegi qyzmetine taldaý jasalatyny belgili boldy.
«Budan bólek, sporttyq is-sharalardy, jıyndardy, jabdyqtardy, sporttyq tamaqtanýdy satyp alýdy, sheteldik issaparlardy uıymdastyrýdy, syıaqylardy, sport obektilerin salýdy, sondaı-aq sport federasııalary men kásibı klýbtardy ustaýdy qamtamasyz etetin bıýdjettik jáne bıýdjetten tys kózder zerdelenedi. Taldaý agenttiktiń, múddeli memlekettik organdardyń qyzmetkerleri jáne azamattyq qoǵam ókilderiniń qatysýymen júrgiziledi», delingen Antıkor habarlamasynda.