Jyl depýtaty nomınasııasy boıynsha daýys berý toqtatyldy. «Jyldyń úzdik depýtaty» ataǵyna halyq sheshimimen eń kóp daýys jınaǵan Qazybek Isa laıyq dep tanyldy, dep habarlaıdy Egemen.kz.
Feısbýktaǵy «Shynnyń júzi» tobynda jalpyhalyqtyq daýys berý saýalnamasyn «ADYRNA» ulttyq portaly júrgizgen. Daýys berý nátıjesi boıynsha eń kóp daýysty «Aq jol» partııasynyń depýtaty Qazybek Isa ıelengen. Ol Májilis minberinen ulttyq qundylyq, el, jer jáne memlekettik til máselesine qatysty ótkir de ózekti taqyryptardy qozǵap júrgenimen belgili. Ekinshi oryndy «Amanat» partııasynyń depýtaty Rınat Zaıtov ıelendi. Myń daýyspen úshinshi orynda «Respýblıka» partııasynan Rýslan Berdenov taban tiredi.