Nýmerologııa salasynda jeti jyldyq tájirıbesi bar Quralaı Baqyt Ulý jylynda elimizde qandaı ózgerister bolatynyn aıtty, dep habarlaıdy Egemen.kz aqparat agenttigi.
- Ulý jylyna 8 sany kiredi. Ol nýmerologııada aqsha sany sanalady. Iаǵnı ulý - kásipkerlik jyly desek te bolady. Aýqymdy jobalarǵa jol bastaıtyn, qarjylyq saýattylyqqa keletin jyl. Degenmen keler jyl óte baıaý ótedi. Sondyqtan kóptegen josparlardy ýaıymsyz júzege asyra alamyz. Ýaqyt baıaý ótkennen keıin de aýa raıy da jyl boıy jyly ótedi. Bul ekologııadaǵy ózgeristerge alyp keledi. Soǵan mán berý kerek, - dedi juldyzshy.
Sondaı-aq ol Ulý jyly jasandy ıntellekt damyp, biraz ózgerister bolyp, halyq sany ósetinin atap ótti.
- Osy jyly kim shyǵysqa júredi, sol adam utady. Iаǵnı Qytaı, Malaızııa sekildi elder kórshiles eldermen jaqsy bolsa, saýdada, bızneste utady. Sol sebepti kez kelgen el shyǵys kórshisimen tyǵyz qarym-qatynasta bolsa, el tabysqa jetedi. Memleket basshysynyń bul jyldy «Qytaı jyly» dep jarııalaıdy dep estigenmin. Bul óte jaqsy strategııa, jaqsy qadam dep aıta alamyn. Al kórshiles elderdegi soǵys birden toqtaı qalmaıdy. 4 sany agressııany bildergendikten, jyldyń ortasyna deıin basqa elderde ol saqtalady, - dedi Quralaı Baqyt.
Al 2025 jyl, onyń paıymynsha, álem úshin tynysh, jaıdarly jyl bolmaq.
- Negizinen kóp nárse ómirde sıkl boıynsha qaıtalanady. Mysaly 2020-2021 jyldardaǵy karantın metaldy jyldarǵa sáıkes keldi. Iаǵnı 1920-21 jyldary burynda oba, ıspan derti sekildi aýrýlar shyqqan. Sol sekildi1945 jyly soǵys toqtasa, 2025 jyl da jaıly jyl bolmaq. Ulý jyly kimniń jyly 4 sanymen aıaqtalady, solarǵa jaqsy jyl bolmaq, - dedi ol.
Jyldyń devızi: «Asyqpaı ańdap basamyn», «Jeti ret ólshep, bir ret kes». Iаǵnı kim asyqpaı aldyn ala strategııamen, josparmen júredi, sol adamdar utady. Sondyqtan aldyn ala jospar quryp áreket etken durys.
- Ulý jyly – karma jyly. Iаǵnı buryn eńbegi baǵalanbaǵan adamdar, osy jylda tabysqa keneledi. Kim qıynshylyqty bastan ótkerdi, sol úlken qýanyshqa ıe bolady, - dep tolyqtyrdy Quralaı Baqyt.