Memleket basshysy Qasym-Jomart Toqaev Reseı Federasııasyna jumys sapary barysynda TMD-ǵa múshe memleketter basshylarynyń beıresmı kezdesýine qatysty.
TMD-ǵa múshe memleketter basshylarynyń beıresmı kezdesýine Qazaqstan Prezıdenti Qasym-Jomart Toqaevpen qatar, Reseı Prezıdenti Vladımır Pýtın, Ázerbaıjan Prezıdenti Ilham Alıev, Armenııa Premer-mınıstri Nıkol Pashınıan, Belarýs Prezıdenti Aleksandr Lýkashenko, Qyrǵyzstan Prezıdenti Sadyr Japarov, Tájikstan Prezıdenti Emomalı Rahmon, Túrikmenstan Prezıdenti Serdar Berdimuhamedov, О́zbekstan Prezıdenti Shavkat Mırzııoev qatysty.
Jıyn barysynda TMD elderiniń kóshbasshylary Uıym qyzmetiniń basym baǵyttaryn, ózara tıimdi yntymaqtastyqty nyǵaıtý jáne odan ári damytý josparyn talqylady. Sondaı-aq TMD aıasyndaǵy yqpaldastyqtyń ózekti máseleleri jóninde pikir almasty.
Sondaı-aq Qasym-Jomart Toqaev kórshi elge sapary kezinde Reseı Prezıdenti Vladımır Pýtın, Ázerbaıjan Prezıdenti Ilham Álıev, Armenııa Premer-mınıstri Nıkol Pashınıan, Belarýs Prezıdenti Aleksandr Lýkashenko, Qyrǵyzstan Prezıdenti Sadyr Japarov, Tájikstan Prezıdenti Emomalı Rahmon, Túrikmenstan Prezıdenti Serdar Berdimuhamedov jáne О́zbekstan Prezıdenti Shavkat Mırzııoevpen birge Sankt-Peterbýrg qalasyndaǵy birqatar mádenı nysandardy aralap kórdi.
TMD memleketteri basshylarynyń birlesken ekskýrsııasy «Pavlovsk» memlekettik mýzeı-qoryǵynan bastaldy. Munda olar Pavlov saraıynyń zaldary men ekspozısııalaryn tamashalady. Qonaqtardyń qurmetine saraıdaǵy «Grek zaly» amfıteatrynda «Severnaıa sımfonııa» konserti uıymdastyryldy. Mýzeı-qoryq – XVIII ǵasyrdyń sońyndaǵy orys sáýlet óneriniń biregeı úlgisi. Pavlov saraıy arhıtektýralyq ansambldiń eń basty kórnekti bóligi sanalady. Bul mádenı mura IýNESKO-nyń qorǵaýyna alynǵan.
Sodan keıin memleketter basshylary «Sarskoe selo» mýzeı-qoryǵyn jáne Ekaterına saraıynyń zaldaryn aralap kórdi. «Sarskoe selo» saraı-saıabaq ansambli – HVIII ǵasyr men XX ǵasyrdyń basyndaǵy álemdik sáýlet jáne baǵbandyq ónerdi aıshyqtaıtyn eskertkish. Orys ımperatorlarynyń burynǵy jazǵy rezıdensııasy – Reseıdegi halyq kóp baratyn mýzeılerdiń biri. Murajaıǵa 2022 jyly 2,9 mıllıon adam kelgen. Keshenniń negizigi nysany sanalatyn Ekaterına saraıynda álemge áıgili Iаntar bólmesi ornalasqan.
Prezıdentterdiń úshinshi ekskýrsııasy «Petergof» memlekettik mýzeı-qoryǵynyń Úlken Petergof saraıynda jalǵasty.
Delegasııa basshylary sándik-qoldanbaly óner buıymdary, músin jáne keskindeme óneriniń týyndylary men jıhazdar qoıylǵan biregeı sáýlet eskertkishin tamashalady.
Petergof mýzeı-qoryǵy 33 mýzeıden, 414 gektar aýmaqty alyp jatqan saıabaqtar men baqtardan jáne 150-den astam sýburqaqtan turady. Sýburqaq júıesi tarıhı jáne mádenı eskertkish retinde biregeı sanalady. Injenerlik sheshimniń arqasynda sý 300 jyl burynǵydaı bıiktik pen ártúrli deńgeıdegi sýburqaqtar arasynan tabıǵı túrde qulaı aǵyp jatyr. Sondyqtan Petergof sýburqaqtary sáýirdiń aıaǵynan qazan aıynyń ortasyna deıin kún saıyn tańerteńnen keshke deıin jumys isteıdi.