Prokýratýra organdary mańyzdy ınvestısııalyq jobalardy qoldaýdy jalǵastyryp jatyr, dep habarlaıdy Egemen.kz Astana qalasy prokýratýrasynyń baspasóz qyzmetine silteme jasap.
«Prokýratýranyń basym baǵyttarynyń biri ınvestorlardyń máselelerin tıimdi sheshý jáne olardyń quqyqtaryn qalpyna keltirý. Osy jumys aıasynda elorda prokýratýrasy kásipkerler palatasynyń alańynda 350 jumys orny ashylatyn quny 6 mlrd teńge bolatyn saýda ortalyǵyn salý jobasyn júzege asyryp jatqan ınvestormen kezdesý ótkizdi. Energııa berýshi kompanııa ınvestorǵa uzaq ýaqyt boıy elektr jelilerine qosylýdyń tehnıkalyq sharttaryn bermegendigi anyqtaldy. Otyrys qorytyndysy boıynsha múddeli tulǵalarǵa naqty usynystar aıtylyp, kásipkerdiń túıtkildi máselesin sheshý talqylandy. Nátıjesinde prokýratýranyń úılestirýimen másele sheshilip, ınvestor qajetti qujatty aldy. Investısııalyq jobany qoldaý jalǵasýda jáne prokýratýra basshylyǵynyń baqylaýynda», dep jazylǵan aqparatta.
Astanalyq ınvestorlar men kásipkerlerdiń quqyǵyn qorǵaý maqsatynda prokýratýrada mobıldi top jumys isteıdi.