Qarjy mınıstrligi 2024 jyly qansha balaǵa bilim berý nemese turmys jaǵdaıyn jaqsartý úshin Ulttyq qordan qarjy bólinetinin eseptedi, dep habarlaıdy Egemen.kz.
Qarjy mınıstrliginiń Ulttyq qordy bıýdjettik nesıelendirý jáne qarjy sektory máseleleri jónindegi ózara is-qımyl departamentiniń dırektory Aıbol Arǵynǵazınov bastamanyń túıindi ıdeıasy ulttyq baılyqty óskeleń urpaqqa úlestirý ekendigin aıtty.
«2024 jyly aldyn ala esepteýler boıynsha 250 myńnan astam bala Ulttyq qordyń qarajatyn oqý aqysyn tóleýge nemese turmys jaǵdaıyn jaqsartýǵa paıdalana alady», dedi ol.
Buǵan deıin Ulttyq bank Ulttyq qordyń jartysy qazaq balalaryna aýdarylatyn ınvestısııalyq kiris kólemin jarııalaǵan bolatyn.
«2005-2022 jyldar aralyǵyndaǵy tabys jyldyq mánde 2,6 paıyzdy nemese 1,4 mıllıard dollardy qurady. Sáıkesinshe, 2024 jyly «Ulttyq qor - balalarǵa» baǵdarlamasy aıasynda barlyq alýshylarǵa, sonyń ishinde óz deńgeıine jetkenderge de shamamen 695,5 mıllıon dollar beriledi», dep habarlady Ulttyq bank.
Buǵan deıin Qarjy mınıstrligi Ulttyq qordan qarajat 2024 jyldyń 1 aqpanynan bastap balalarǵa tólene bastaıtynyn habarlaǵan bolatyn.
Esterińizge sala keteıik, Premer-mınıstrdiń orynbasary Erulan Kenjebekov «Ulttyq qor - balalarǵa» baǵdarlamasyna týǵannan bastap qatysatyndar úsh myńnan tórt myń dollarǵa deıin alatynyn aıtqan bolatyn.