Memleket basshysy Qasym-Jomart Toqaev «Egemen Qazaqstan» gazetine bergen suhbatynda qazirge deıingi atqarylyp kele jatqan jáne bolashaqta atqarylatyn eldegi ózekti máselelerge toqtaldy.
Suhbat barysynda elimizdiń túkpir-túkpirinde bilim oshaqtary, onyń ishinde, mektepterdiń boı kóterýine basty nazar aýdaryldy. Bul canaly urpaqtyń jarqyn bolashaǵyna degen senimniń zor ekenin ańǵartady. Elimizde aýyldyq jáne qalalyq eldi mekenderde mektepterdiń boı kóterýi áleýmettik damý men ekonomıkalyq jetistikterge jetýdiń basty joly der edim. О́ıtkeni ár túrli óńirlerde mektepter salý bilimniń halyq úshin qoljetimdi bolýyn qamtamasyz etedi. Búkil elde bilim berý ortalyqtaryn qurý eldiń jalpy ilgerileýi úshin óte mańyzdy adamı kapıtaldyń damýyna yqpal etedi. Bilimdi mamandar ǵylymǵa, bilimge, ınnovasııalarǵa, ekonomıkalyq ósýge jáne eldiń jalpy damýyna kóbirek úles qosady. Sondyqtanda elimiz úshin bilim men oqý ortalyqtarynyń damýy − basty úrdis.
Taǵy da bir eskeretin jaǵdaı Memleket basshysy Ulttyq qordan balalarǵa qarjy berý máselesin retteıtin zań kúshine engenin atap ótti. Bul urpaǵymyzdyń jalpy ál-aýqaty men damýyna úlken yqpal ete alady dep senemin. О́ıtkeni Ulttyq qordan balalarǵa qarjy berý máselesin retteıtin zań jas býyn úshin bilim, densaýlyq saqtaý, tamaqtaný jáne baspanany qosa alǵanda, negizgi qajettilikterin qanaǵattandyrý úshin mańyzdy.
Sonymen qatar elimizde medısına qyzmetkerleriniń, mektepte, kolledjde jáne balabaqshada jumys isteıtin pedagogterdiń jalaqysy óskeni jalpy qoǵamǵa birneshe oń áser etti dep oılaımyn. Jalaqylardyń joǵarylaýy memlekettik qyzmet kórsetýdiń jalpy jaqsarýyna yqpal etip, qoǵamnyń deni saý jáne bilimdi azamattardyń qalyptasýyna yqpal etedi.
Memleket basshysy búginde Qazaqstan men Qytaıdyń qarym-qatynasy dostyq, kórshilik jáne máńgilik strategııalyq seriktestik rýhynda qarqyndy damyp keletinin, sonymen qatyr Qazaqstan men Qytaı arasyndaǵy yntymaqtastyqtyń jańa «altyn otyz jyldyǵyna» qadam basqanymyzdy atap ótti. Osy oraıda kórshiles Qytaı elimen otanymyzda birneshe oqý oryndarynyń, onyń ishinde Sátbaev Ýnıversıteti men Gonkong qalalyq ýnıversıteti ınnovasııalyq strategııalyq seriktestik qurý týraly kelisimge qol qoıǵanyn aıta ketýimizge bolady. Bolashaqta eki ýnıversıtet arasyndaǵy yntymaqtastyq qarym-qatynas aıasynda ınjenerııa jáne jasandy ıntellekt salalary boıynsha joǵary bilikti mamandardy daıarlaý josparlanyp otyr. Sonymen qatar halyqaralyq baǵdarlamalar boıynsha stýdentter eki el arasynda ǵylym jáne bilim boıynsha tájirbıe almasýǵa úlken múmkindik týyp otyr.
Jalpy, Memleket basshysy Qasym-Jomart Toqaevtyń «Egemen Qazaqstan» gazetine bergen suhbatynyń túıini elimizdegi negizgi basymdyqtar men bastamalardy aıqyndaı otyryp, jarqyn bolashaqty júzege asyrýǵa birlese otyryp belsendi úles qosýǵa qoǵamǵa aıtarlyqtaı oı saldy dep oılaımyn.
Aıaz BELQOJAEV,
Sátbaev Ýnıversıtetiniń
Hımııalyq jáne Bıohımııalyq ınjenerııa
kafedrasynyń aǵa oqytýshysy,
jaratylystaný ǵylymdarynyń magıstri