«Barshańyzǵa qaıyrly kún! Áıelim ekeýmiz otbasymyzǵa qatysty sońǵy jańalyqtarǵa túsinikteme berýdi sheshtik», dep bastady Rahat Turlyhanov.
Jubaıy Altynaıdyń aıtýynsha, olarda bári jaqsy. Otbasynda urys-keris, túsinispeýshilik bolǵanymen, tatý-tátti ómir súrip jatqandaryn jetkizdi.
«Buqaralyq aqparat quraldary jaǵdaıdy bilmeı, Rahatty ádiletsiz túrde jaman jaǵynan kórsetip jatyr. Men osyǵan qynjylamyn. Rahat qamqor jáne meıirimdi jar», dedi ol.
Sondaı-aq olar úshin alańdaǵan jandarǵa alǵys aıtyp, ýaıymdaıtyn esh jaǵdaı joq ekenin aıtty.
Oqyrmandardyń kóbi otbasyna baqyt tiledi.
2024 jyldyń 9 qańtarynda Almaty qalasynyń Ákimshilik quqyq buzýshylyq isteri jónindegi mamandandyrylǵan aýdanaralyq soty ánshige qatysty isti qarady. Tergeý materıaldarynan belgili bolǵandaı, 2023 jyldyń jeltoqsanynda Turlyhanov úıinde janjal shyǵaryp, áıelin soqqyǵa jyqqan.
Sotta ol kinásin moıyndap, ókinip, taraptardyń tatýlasýyna deıin is júrgizýdi toqtatýdy surady. Áıeli faktini rastap, kúıeýimen tatýlasqanyn aıtty.
Buǵan deıin 2023 jyldyń qazan aıynda Turlyhanovqa áıelin urdy degen aıyp taǵylǵan edi, biraq sot taraptardyń tatýlasýyna baılanysty isti toqtatqan.