Shyǵys Qazaqstan oblysynyń ákimi Ermek Kósherbaev Ulttyq ulannyń «Shyǵys» óńirlik qolbasshylyǵyna qarasty 5518 áskerı bóliminiń jaýyngerlik daıyndyǵymen jáne tehnıkalyq jabdyqtalýymen tanysty, dep habarlaıdy Egemen.kz.
Qaz-qatar tizilgen brondi áskerı kólikterdiń sıpattamasynan habardar bolǵan óńir basshysy Ýral 4320 aýyr júk kóligin ózi tizgindep, áskerı bólim aýmaǵynda júrgizip kórdi. Sondaı-aq ol áskerı bólim oryndaıtyn jaýyngerlik mindettermen, oqý materıaldyq bazasyna nazar aýdardy. Sondaı-aq qarýdan oq atý daǵdylaryn qalyptastyrýǵa arnalǵan tır ortalyǵynda qarýdan oq atyp kórdi.
Jumys barysynda oblys ákimine jaýyngerlik jedel tobynyń urystyq tártibin kórsetip, otrıad ofıserleri arnaıy jasaqtyń zamanaýı úlgidegi qarýlaryn, áskerı kıim úlgilerimen tanystyrdy.
Oblys ákimi jumys saparynda áskerı bólimniń saptyq alańynda qaz-qatar tizilgen qarýlanǵan tehnıkalardy baqylap, áskerı nysannyń materıaldyq-áleýetimen tanysty. Sondaı-aq ol áskerı bólim oryndaıtyn jaýyngerlik mindettermen, oqý materıaldyq bazamen jáne bólimshelerdiń turmystyq jaǵdaıyna nazar aýdardy. О́tken jyly oblys áskerı bólimge «Daewoo» markaly 4 avtobýs tabystaǵan bolatyn. Otyz orynǵa arnalǵan kólikter jedel maqsattaǵy jeke quramdy jaýyngerlik qyzmet oryndaryna tasymaldaıdy.
О́tken jyldyń qorytyndysy boıynsha «Shyǵys» óńirlik qolbasshylyǵyna qarasty 3 birdeı oblystyń qoǵamdyq tártibin qamtamasyz etetin jedel maqsattaǵy áskerı bólimderdiń saqshylary 3514 ákimshilik quqyqbuzýshylyqty anyqtap, 315 qylmystyń betin ashqan. Kezdesý sońynda oblys ákimi óńirdegi turaqtylyqty jiti baqylap, qaladaǵy qoǵamdyq tártipti qamtamasyz etetin ulandyqtardyń mańyzdy da jaýapty qyzmetterine sáttilik tiledi.