Elimizde aqsha aýdarý júıesi (AAJ) arqyly halyqaralyq aqsha aýdarymdarynyń kólemi aıtarlyqtaı qysqardy. 2023 jyldyń qańtar-qazanynda AAJ arqyly shetelge jiberilgen qarajat kólemi 806,9 mlrd teńgeni qurady, bul byltyrǵy sáıkes kezeńdegiden 7,2 paıyzǵa az.
2022 jyldyń qańtar-qazanymen salystyrǵanda shetelden túsken aqsha kólemi 2,2 ese azaıyp, byltyr 10 aıda 258,5 mlrd teńgeni qurady. Elder boıynsha 2023 jyldyń qańtar-qazanynda elimizden jiberilgen qarajattyń jartysynan kóbi tek eki elge ketti – О́zbekstan men Reseı: tıisinshe 232,8 mlrd teńge jáne 195,2 mlrd teńge. Sondaı-aq Túrkııa (184,5 mlrd teńge) men Grýzııaǵa (76,7 mlrd teńge) aıtarlyqtaı aqsha jiberildi.
AAJ arqyly túsken qarajattyń úshten birinen astamy Reseıden aýdarylǵan: 94,2 mlrd teńge. Taǵy úshten birin О́zbekstan (28,5 mlrd teńge), AQSh (27,8 mlrd teńge) jáne Ońtústik Koreıa (27,4 mlrd teńge) qurady.
Aqsha aýdarymdary júıeleriniń ishinde shetelge jiberilgen aqsha aýdarymdarynyń eń kóp kólemi «Zolotaıa koronaǵa» tıesili: 643,4 mlrd teńge – 2022 jyldyń qańtar-qazanymen salystyrǵanda 4,8 paıyzǵa az. Bul rette júıeniń úlesi 77,8 paıyzdan 79,7 paıyzǵa deıin ósti. Odan keıin – Contact (93,4 mlrd teńge), Western Union (46,3 mlrd teńge) jáne MoneyGram (13,1 mlrd teńge). Basqa júıelerdiń úlesine 10,8 mlrd teńge ǵana tıesili.
Shetelden túsken aqsha aýdarymdarynyń kólemi boıynsha da «Zolotaıa korona» AAJ arasynda da kósh bastap tur: 130,8 mlrd teńge – 2022 jyldyń qańtar-qazanymen salystyrǵanda 3,1 ese az. Júıeniń úlesi bir jylda 70,7 paıyzdan birden 50,6 paıyzǵa deıin tómendepti. Odan keıin Western Union (57,6 mlrd teńge), MoneyGram (32,4 mlrd teńge) jáne Contact (11,9 mlrd teńge) tur. Basqa júıelerdiń úlesine 25,8 mlrd teńge tıesili.