El turǵyndary arasynda dollar men eýrony taza satý byltyrmen salystyrǵanda tómendegen. 2023 jyldyń qańtar-qarashasynda dollardyń taza satylymy 1,55 trln teńgeni qurady, bul 2022 jyldyń sáıkes kezeńimen salystyrǵanda 3,2 paıyzǵa az. Eýro kórsetkishi bir jylda 27,7 paıyzǵa, 201,96 mlrd teńgege deıin tómendedi.
О́tken jyldyń 11 aıynda aıyrbastaý pýnktteriniń Reseı rýblin taza satýy múldem teris mándi kórsetti: mınýs 1,7 mlrd teńge (ıaǵnı otandastarymyz rýbl satyp alǵannan satýdy kóbeıtken). Byltyr kórsetkish oń mánde bolyp, birden 275,06 mlrd teńge bolǵan. Onyń esesine el turǵyndary qytaı ıýanine aıtarlyqtaı qyzyǵýshylyq tanyta bastaǵan. 2023 jylǵy qańtar-qarashada aıyrbastaý pýnktteriniń osy valıýtany taza satýy shamamen 1 mlrd teńgeni qurady – bul byltyrǵy sáıkes kezeńmen salystyrǵanda 7,9 paıyzǵa jáne koronadaǵdarys aldyndaǵy 2019 jylǵydan eki ese kóp.
О́ńirler arasynda dollar men eýrony taza satýdyń eń kóp kólemi iri megapolısterde tirkeldi. Máselen, Almatyda dollar men eýronyń taza satylymy 415,1 mlrd jáne 82,6 mlrd teńge, Shymkentte – 336,9 mlrd jáne 38 mlrd teńge, Astanada – 143 mlrd jáne 28,3 mlrd teńge boldy. Bul rette eýropalyq valıýtany taza satýdyń teris kólemi tek Aqmola oblysynda ǵana baıqaldy: mınýs 174 mln teńge.
Reseı rýbliniń oń taza satylymy 20 óńirdiń 12-de ǵana baıqaldy. Eń kóp kólem Shyǵys Qazaqstan (12,6 mlrd teńge), Qaraǵandy (9,3 mlrd teńge) jáne Aqmola (6,1 mlrd teńge) oblystaryna tıesili. Taza satylymnyń teris máni negizinen Almaty (-19 mlrd teńge) jáne Astanada (-15,7 mlrd teńge) tirkeldi.
2023 jyldyń qańtar-qarasha aılarynda qytaı ıýaniniń taza satylymy eń kóp Almaty (284,8 mln teńge), Astana (271,6 mln teńge) jáne Pavlodar oblysynda (103,4 mln teńge) boldy. Teris mán Mańǵystaý (-1,2 mln teńge) jáne Túrkistan (-0,1 mln teńge) oblystarynda ǵana baıqaldy.
«2023 jylǵy qarashadaǵy dollardyń resmı baǵamy ortasha eseppen 463,56 teńgeni qurady, bul bıyl qazandaǵy ortasha deńgeıden 2,7 paıyzǵa, al 2022 jylǵy qarashadaǵydan 0,05 paıyzǵa ǵana tómen. Qarashada eýronyń ortasha baǵamy 500,13 teńgeni qurady, bul ótken aımen salystyrǵanda 0,6 paıyzǵa tómen, biraq 2022 jylǵy qarashamen salystyrǵanda 6 paıyzǵa joǵary. Reseı rýbliniń baǵamy, kerisinshe, bir aıda 4,5 paıyzǵa ósip, byltyrǵymen salystyrǵanda 32,7 paıyzǵa tómendedi. Qytaı ıýaniniń resmı baǵamy 2023 jyldyń qarashasynda 64,08 teńge boldy – bir aı burynǵydan 1,8 paıyzǵa, al byltyr qarashadaǵydan 0,7 paıyzǵa tómen», dep málimdedi Finprom.