ELDIKTIŃ ÚNI

Jasampazdyq Joldaýy “Jańa onjyldyq – jańa ekonomıkalyq órleý – Qazaqstannyń jańa múmkindikteri” dep atalatyn Elbasy N.Nazarbaevtyń Qazaqstan halqyna bıylǵy Joldaýy taıaý onjyldyqqa, ıaǵnı elimizdiń 2020 jylǵa deıingi ctrategııalyq damýy men áleýmettik-ekonomıkalyq, mádenı turǵydaǵy mańyzdy baǵdarlamalardy naqtylaýymen erekshelenedi. Ásııa AHMETOVA, “Nur Otan” HDP Taldyqorǵan qalalyq fılıaly tóraǵasynyń birinshi orynbasary: – Elbasynyń Qazaqstan hal­­qy­na bıylǵy Joldaýy árqaı­sy­myzdyń eljandylyq sezimimizdiń otyn úr­lep, jelpindirdi. “Er aıtsa el aıt­qany, kóptiń qamyn jep aıt­qa­ny” degen támsil sóz bar. Pre­zı­denttiń jalpy jurttyń qamy men baqytty ómirine baǵyttalǵan Jol­daýy – bolashaqqa baǵdar, il­geri basýymyzdyń qozǵaýshy kúshi eke­ni anyq. Mańyzdy qujat – yn­tymaǵy jarasqan elimizdiń baǵyn asyratyn, rýh beretin, júregi elim degen qazaqstandyqtarǵa jol sil­tep, baǵyt beretin baǵdarsham de­sek, qatelespeıtinimiz taǵy kúmánsiz. Joldaý – eldiktiń úni. Búgingi tańda saıası sahnada ózindik orny bar naǵyz halyqtyq partııa – “Nur Otan” jer-jerde 2020 baǵ­dar­lamasyn oryndaý jolyndaǵy jumystyń basty ózegine aınalýy tıis. Eshkim syrtta turmaýy kerek, óıtkeni,  tek osylaı ǵana biz Qa­zaq­stannyń jańa ekonomıkalyq órleýin qamtamasyz etemiz. Eń bastysy – búkil aza­mattyq qoǵamdy partııa­nyń tó­ńi­regine toptastyrý arqyly ulttar arasyndaǵy kelisim men etnos­ara­lyq dostyqty saqtap, eldikti tý etip ustaǵan elimizdiń tu­raqty­ly­ǵyn nyǵaıtý. О́zim uıǵyr qyzy bolǵanymmen, qazaqtyń ke­linimin. Urpaq ósirip, memlekettik tildiń qoldanys aıasyn keńeıtýge kúsh salýdamyn. Partııanyń ja­ny­nan jas saıasatkerler klýbyn ashyp, soǵan jetekshilik jasap, urpaq belsendiligin arttyrýdy alǵa qoı­dym. Osylaısha Joldaýdy qýattap, oǵan ózindik úlesimdi qosýdamyn. Samat SÚLEIMENOV, I.Jansúgirov atyndaǵy  Jetisý memlekettik ýnıversıteti gýmanı­tarlyq fakýltetiniń stýdenti: – “Qazaqstan-2030” Strategııa­syn­da elimizdiń uzaq merzimdi damý baǵyty, maqsaty men basym­dyq­tary belgilendi. Sonymen qatar al­ǵashqy onjyldyqta osy baǵyt­taǵy josparymyz qısyndy damý jolyna túskeni de atap ótildi. Álem­dik qarjy daǵdarysynan áleý­mettik aýyrtpalyqsyz ótýimiz El­ba­sy ustanǵan saıası baǵyttyń du­rys­tyǵyn dáleldeýimen de erek­shelendi. Joldaýda bilim jáne ǵylym salasyn damytýda memleket tara­pynan aýqymdy sharalardyń júzege asyrylyp jatqany atap kórsetildi. Búginde el damýynyń birden-bir dańǵyl joly  bilim men ǵylymǵa degen qamqorlyqty naqty sharalar men atqarylǵan jumys­tardan anyq kórýge bolady. Elbasy joǵary bilim berý  júıesiniń strategııalyq mindette­rin de  kórsetip berdi. Astana qa­la­syn­da salynyp jatqan Jańa halyq­ara­lyq ýnıversıtettiń maýsym aıyn­da ashylatyndyǵy, onyń daryndy, talantty jastar úshin qoljetimdiligi bizdi qýantady. Oblys ortalyq­ta­ryn­daǵy ıntel­lek­týaldy mektep­terdiń ashylýy ıntellektýal­dy ult qurýǵa ba­ǵyttalǵan shara dep oılaımyz. Jastardyń básekege qabiletti bilim alýy Elbasy nazarynda. Máselen, shilde aıynda kóterilýi tıis bolǵan shákirtaqynyń, bıýd­jettik sala qyzmetkerleri jal­aqy­synyń sáýir aıynan 25 paıyz­ǵa kóterilýi qýanyshty jáıt. Myna joldardy da beıjaı oqı almaısyń. Onda: “Bizdiń jas­tarymyz jańa asýlar men shyń­dardy baǵyndyrýda, maqsatyna jeteleıtin eleýsiz, biraq senimdi soqpaqtardy izdestirýde tabandy da birbetkeı bolýy tıis”, delingen. Budan keıin ómirińdi ózgertpeýge tyryspaı kór. Tek, ýaqyttan utyl­maı alǵa basý, senimdi soq­paqqa túsý qajet. Baǵdat QARASAEV, Alakól aýdanynyń ákimi: – Dástúrli Joldaýdy Alakól jurtshylyǵy ystyq yqylaspen qabyldady. О́ıtkeni, Elbasynyń ótken jylǵy Joldaýynda daǵda­rys­qa qarsy sharalardy iske asy­rý atqarýshy organdardyń basty baǵyty boldy. Daǵdarysqa qarsy is-qımyl jospary bekitilip, “Jol kartasy” baǵdarlamasy júzege asy­rylsa, 2010 jyly “Jol kar­tasy – 2009” jospary boıynsha bastalǵan turǵyn úı-kommýnaldyq sharýashy­lyq nysandaryn qaıta jańǵyrtýdy jalǵastyrý, al 2011 jyly turǵyn úı-kommýnaldyq sharýashylyqty eń aýqymdy jańǵyrtýdyń 2020 jylǵa deıingi josparyn jasaý mindeti júktelip otyr. Elimizdegi daǵdarysqa qarsy is-sharalardyń biri “Jol kartasy” baǵdarlamasy aıasynda aýdanǵa barlyǵy 210 mln. teńge bólinse, ústimizdegi jyly 230 mln. teńge bólý josparlanǵan. О́tken jyl qu­rylys salasy úshin jemisti bolyp, aýdan boıynsha 4097 shar­shy metrdi quraıtyn turǵyn úı salyndy. Sonymen qatar, Úsharal qalasynda 7 jaldyq turǵyn úı qurylysy aıaqtalsa,  bıyl Dostyq kentinde 20 páterli turǵyn úı el ıgiligine usynylmaqshy. О́ńirlik “Aýyz sý” baǵdarla­ma­sy­men Qabanbaı, Aqjar aýyl­dary­nyń sý júıeleri jóndeýden ótkizilse, Terekti aýylynda sý júıesiniń jóndeý jumystary bastaldy.  Atalǵan sharaǵa 30 mln. teńge qarajat bólindi. Avtomobıl joldaryn kútip, jóndeýge 10 mlrd. teńge bólinip, 478 shaqyrym jáne 1214,5 myń sharshy metr jalpy paıdalanymdaǵy jol jón­delse, Úsharal qalasy men Qaban­baı aýylynda kóshelerdi abat­tan­dyrý jáne “Qabanbaı-Kóktuma” jolyna jóndeý jumystary júrgizildi. Elbasy Úkimetke ákimdermen birlese otyryp, ústimizdegi jyl­dyń birinshi jartysynda-aq bala­lardy mektep jasyna deıingi oqy­týmen jáne tárbıemen qamtamasyz etýdi arttyrýǵa baǵyttalǵan “Ba­la­pan” arnaıy baǵdarlamasyn ázir­lep, iske asyrýdy tapsyrdy. Bilim salasy boıynsha mektepke deıingi mekeme­ler­diń júıesi keńeıý­de. Osy maq­satta Dostyq kentinde 280 oryndyq balabaqsha qurylysy júrgizilse, bıyl aýdan ortalyǵy Úsharal qalasynda 100 oryndyq jáne Qabanbaı aýylyn­da 140 oryndyq balabaqsha salý kózdelgen. Atalǵan balabaqsha­lar­ǵa 520 búldirshin qamtylady dep kútilýde. Jazyp alǵan Kúmisjan BAIJAN, Almaty oblysy.