Pavlodar oblysynda oıyqqa qulaǵan avtobýstyń boljamdy ornalasqan tusynda qazba jumystary júrgizilip jatyr. Atalǵan jumys barysynda avtobýstyń synǵan bólshekteri, ottegi ballony, tynys alý apparaty, qutqarýshynyń sómkesi tabyldy, dep habarlaıdy Egemen.kz Tótenshe jaǵdaılar mınıstrliginiń baspasóz qyzmetine silteme jasap.
Jumystardy júrgizý taý jynystarynyń turaqsyzdyǵyna jáne paıda bolǵan shuńqyrdyń astyndaǵy bos oryndarǵa baılanysty topyraqtyń únemi qozǵalýy men syrǵýyna baılanysty qaýipsizdik úshin qutqarýshylardyń shuńqyrǵa túsýin júrgizetin jáne ekskavator mashınısin saqtandyratyn 4 km alpınıstik arqan, alpınıstik jabdyq, kınologııalyq esepteýler qoldanyldy.
Jumystar qıyn jaǵdaıda júrgizilip jatyr. Qatysqan barlyq mamandardyń ómirlerine zor qaýip bar. Avtobýstyń boljamdy ornalasqan jerinde bos oryndardyń bolýy múmkin, izdeý jumystaryn júrgizý kezinde qaıta qulaý qaýpi de bar.
Naqty ýaqyt rejıminde topyraqtyń qozǵalysyn baqylaýǵa arnalǵan qurylǵy ornatylǵan.