Ońtústik Koreıanyń Kanvon qalasynda ótip jatqan IV qysqy jasóspirimder Olımpıadasynda hokkeıden Qazaqstan quramasy qola medal úshin synǵa túsedi.
Atap aıtsaq, keshe jartylaı fınaldyq kezdesýde (3×3) jerlesterimiz Latvııaǵa qarsy muzaıdynǵa shyǵyp, 6:19 (1:9, 2:3, 2:7) esebimen ese jiberdi. Endi jerlesterimiz 3-oryn úshin Aýstrııa quramasymen kezdesedi.
Esterińizge sala keteıik, Qazaqstan quramasy toptyq kezeńiniń jetinshi oınynda Ulybrıtanııa komandasynan 22:13 esebimen basym túsip, jartylaı fınalǵa shyqqan edi. Sondaı-aq osyǵan deıin otandastarymyz Ispanııa quramasyn – 14:4, Polshany – 18:8, Taıbeıdi 14:2 esebimen jeńse, Aýstrııaǵa – 8:9 Latvııaǵa – 11:15 jáne Danııaǵa 6:8 esebimen jol bergen edi.