Elimizdiń týrızm jáne sport mınıstrligi men О́zbekstannyń týrızm komıteti atalǵan maqsatta arnaıy «Jol kartasyn» jasady. Qujatqa sáıkes, eki memleket arasynda saıahatshylar aǵynyn ulǵaıtýǵa baǵyttalǵan baǵdarlama ázirlenedi, dep habarlaıdy Egemen.kz.
Týrıstik kompanııalardyń ózara aqparat almasýyn jolǵa qoıý, birlesken jobalardy júzege asyrý josparlanǵan. Zııarat týrızmin damytý maqsatynda shekaradaǵy ótkizý beketterinde kelýshilerge qolaıly jaǵdaı jasaý kózdelgen. Eki el arasynda avtobýs reısteriniń sanyn ulǵaıtý da josparǵa engen.
Tarıhshy-ǵalym Komıljon Rahımovtyń aıtýynsha, Buqara óńirindegi jeti ǵulama týraly kitaptar birneshe tilge, onyń ishinde qazaq tiline de aýdarylǵan. Atalǵan mekendi aralap, kózben kórýge Qazaqstan azamattarynyń qyzyǵýshylyǵy erekshe.