Senatta Konstıtýsııalyq zańnama, sot júıesi jáne quqyq qorǵaý organdary komıtetinde «Qazaqstan Respýblıkasynyń azamattyq zańnamasy: jaǵdaıy jáne odan ári damytý joldary» taqyryby boıynsha otyrys ótti, dep habarlaıdy Egemen.kz.
Komıtet tóraǵasy Nurlan Beknazarov Qazaqstan Respýblıkasynyń Azamattyq kodeksi barlyq múliktik jáne múliktik emes jeke qatynastardy retteýdiń quqyqtyq negizi jáne keń aýqymdy jeke-quqyqtyq qatynastar tizimin retteıtin júıeli zań bolyp sanalatynyn aıtty. Depýtat atap ótkendeı, ol qazirgi zamandaǵy qaýip-qaterge jaýap berý úshin jetildirýdi qajet etedi.
«Azamattyq kodekstiń qurylymyn egjeı-tegjeıli zerdeleý jáne taldaý boıynsha aýqymdy jumys atqarýǵa týra keledi. Búgingi sharany Qazaqstannyń azamattyq zańnamasyn jetildirýge baǵyttalǵan mańyzdy qadamdardyń biri retinde qarastyrýǵa bolady», dedi senator.
Kezdesýge QR Parlamenti Senatynyń depýtattary, Joǵarǵy Sottyń, salalyq mınıstrlikterdiń, sondaı-aq elimizdiń sarapshylar jáne zańgerler qaýymdastyǵynyń ókilderi qatysty.