AShM Veterınarııalyq baqylaý jáne qadaǵalaý komıtetiniń Atyraý oblystyq aýmaqtyq ınspeksııasynyń basshysy para aldy degen kúdikke ilindi, dep habarlaıdy Egemen.kz Antıkordyń baspasóz qyzmetine silteme jasap.
«Atyraý oblysy boıynsha Sybaılas jemqorlyqqa qarsy qyzmet pen oblys prokýratýrasy «AShM Veterınarııalyq baqylaý jáne qadaǵalaý komıtetiniń Atyraý oblystyq aýmaqtyq ınspeksııasy» MM basshysyna qatysty sotqa deıingi tergeýdi bastady. Ol taýarlardy Qazaqstan men Reseı shekaralarynyń shektesken ýchaskesinde Keden odaǵynyń kedendik shekarasy arqyly ótkizý kezinde olardyń zańdy qyzmetin jedel jáne kedergisiz júzege asyrǵany úshin syrtqy ekonomıkalyq qyzmetke qatysýshylardan 2 100 000 teńge somasynda para aldy degen kúdikke ilindi», delingen habarlamada.
Tergeý áli de jalǵasady. Qylmystyq-prosestik kodekstiń 201-babyna sáıkes ózge aqparat jarııa etilmeıdi.
Konstıtýsııanyń 77-baby 3-tarmaǵynyń 1-tarmaqshasyna jáne Qylmystyq-prosestik kodekstiń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.