Pavlodar oblysynyń Memlekettik satyp alý basqarmasy Baıanaýyl aýdanynyń Jańatilek aýylynda 1 mlrd teńge somasyna gıdromelıoratıvtik júıeni qaıta jańartý boıynsha jumystar júrgizýge habarlandyrý jarııalady, dep jazady Egemen.kz oblystyq prokýratýraǵa silteme jasap.
«Osyǵan uqsas osy aýdannyń Qanysh Sátbaev aýylynda gıdromelıoratıvtik júıeni qaıta jańartýǵa 1,2 mlrd teńge kóleminde bıýdjet qarajaty bólindi. Eki jaǵdaıda da jobalaý-smetalyq qujattamada dambany qaıta jańartý kózdelgen. Osy jumysty júrgizýge qoıylatyn biliktilik talaptarynda memlekettik lısenzııasyz, ıaǵnı tıisti bilimi men jumys tájirıbesi joq sharýashylyq júrgizýshi sýbektiler jiberilgen, alaıda bundaıǵa jol berilmeıdi.
Qadaǵalaý aktisi boıynsha jarııalanǵan konkýrstyń qorytyndysy shyǵarylǵanǵa deıin kúshi joıyldy, kináli tulǵalar jaýapqa tartyldy. Pavlodar oblysynyń prokýratýrasy jyl basynan 4,4 mlrd teńgege 25 memlekettik satyp alýdyń kúshin joıdy.
Qazirgi ýaqytta prokýratýra 2024 jylǵa arnalǵan bıýdjettik josparlaý satysynda sharalar qabyldaýda. Mysaly, Energetıka jáne turǵyn úı-kommýnaldyq sharýashylyq basqarmasynyń bıýdjettik ótiniminde Aqqýly aýdanyndaǵy Tosaǵash jáne Maıqaraǵaı aýyldarynda 25 mln teńge somasyna balalar alańdaryn jaılastyrý josparlanǵan.
Osy ótinimderdi zerdeleý eki aýyldyq okrýgte birdeı oıyn keshenderine 50%-ǵa jýyq qymbattatylǵan túrli baǵa usynystaryn qoldanǵanyn kórsetti», delingen aqparatta. Pavlodar oblysynyń prokýratýrasy osy fakt boıynsha tıisti shara qabyldanǵanyn málim etti.