8-10 naýryz aralyǵynda Aýstrııanyń Lıns qalasynda dzıýdodan álemdik Gran-prı týrnıri ótedi.
Bul jarysta Qazaqstannyń 14 balýany kúsh synasady. Solardyń arasyndaǵy eń tanymaldary – Jansaı Smaǵulov (73 kg) pen Islam Bozbaev (100 kg). Jastary 30-dan asqan saqa sportshylardyń ekeýi de ár jyldary qurlyqtyq deńgeıdegi dodalar men asa iri halyqaralyq jarystarda júlde alyp, Olımpııa oıyndaryna qatysqan. Asa aýyr salmaqta Erasyl Qajybaev pen Ǵalymjan Qyryqbaıdyń aıqasyn tamashalaımyz. Sondaı-aq Lıns tatamıinde Erjan Erenǵaıypov, Qanat Seıilhan (60 kg), Nursultan Zaızaǵalıev pen Janarys Rahmatqalı (66 kg), Islam Toqtasyn (73 kg), Mádı Amangeldi, Jalǵas Qaırolla (81 kg), Aıan Baıǵazy jáne Aıdar Arapov syndy qandastarymyz (100 kg) beldesedi.