Almaty oblysyna qarasty Kúsh aýylynda joǵalyp ketken úsh jasar qyzdy izdeýge 300-ge jýyq adam jumyldyryldy, dep habarlaıdy Egemen.kz.
17 naýryz kúni tústen keıin Eńbekshiqazaq aýdany, Kúsh aýylynda úsh jasar qyz bala joǵalyp ketken. Polısııaǵa qyzdyń anasy habarlasyp, kómek suraǵan. Aýdanda arnaıy izdeý toby qurylyp, joǵalǵan balany izdeýge jergilikti turǵyndar da qosyldy. Qazir izdeý jumystaryna 300-ge jýyq adam jumyldyryldy.
«Polısııaǵa Kúsh aýylynyń 40 jastaǵy turǵyny habarlasyp, 17 naýryzda saǵat 16:00 shamasynda úsh jasar qyzy úıinen shyǵyp ketip, qaıtyp oralmaǵanyn jetkizdi. Bul derek birden aýdandyq ishki ister bólimine tirkeldi. Arnaıy izdestirý toby quryldy. Qazir arnaıy úıretilgen ıtter arqyly aýqymdy izdestirý sharalary júrgizilip jatyr», dep habarlady Almaty oblysy Eńbekshiqazaq aýdanynyń ákimdigi.