• RUB:
    6.68
  • USD:
    520.93
  • EUR:
    609.07
Basty saıtqa ótý
Investısııa 05 Sáýir, 2024

Investısııa tartý jaıy pysyqtaldy

142 ret
kórsetildi

Premer-mınıstrdiń birinshi orynbasary Roman Sklıardyń tóraǵalyǵymen Investısııa tartý jónindegi keńestiń kezekti otyrysy ótti.

Talqylaý aıasynda ınvestısııalyq jobalardy «Jasyl dáliz» tetigine engizý krıterııleri qaraldy. Atalǵan krıterııler ashyqtyqty art­tyrýǵa jáne ınves­torlardyń atqarýshy bı­lik organ­darymen ózara is-qımy­lyn jeńildetýge baǵyttalǵan.

Jıyn barysynda Inves­tısııalar týraly kelisimniń tetigin jaqsartýǵa erekshe nazar aýdaryldy. Usynylǵan tetik ótinimderdi qaraý ýaqytyn 12 aıdan 3 aıǵa deıin qysqartýǵa jáne rásimderdi jeńildetýge baǵyttalǵan, bul ınvestısııa­lar salasynda neǵurlym tıimdi jumys isteýge yqpal etedi.

Sonymen qatar avtojol qurylysy salasyna ınvestısııa tartý máselesi qaraldy. Jalpy, ınvestısııalyq masshtabta bekitilgen sharalar otandyq kompanııalardyń básekege qabilettiligin arttyrady, olardy iri avtojol jobalaryn iske asyrýǵa tartýǵa múmkindik beredi.

Sondaı-aq otyrysta qat­ty turmys­tyq qaldyqtar­dy energetıkalyq kádege jaratýdy odan ári damytý máselesi talqylandy. Bul sala ınvestısııa tartý úshin perspektıvaly salalardyń biri bolyp sanalady.

Otyrys aıasynda farmasevtıka jáne qatty turmystyq qaldyqtar sala­synda­ǵy jekelegen ınvestısııalyq jobalar­dyń problemalyq máseleleri kóterildi.

О́ńirlik deńgeıde Qaraǵandy oblysy ákimdiginiń ınvestısııa tartý jónin­degi qyzmeti qaraldy. О́ńirde 12 myńnan asa jumys ornyn qura otyryp, 50 ınvestısııalyq jobadan turatyn pýl qalyptastyryldy.

Otyrys qorytyndysyna sáıkes, jaýap­ty memlekettik organdarǵa Inves­tısııa tartý jónindegi keńestiń erekshe baqylaýynda bolatyn tapsyrmalar berildi.