Almatyda ekinshi dúnıejúzilik soǵys ardagerlerine beriletin birjolǵy áleýmettik kómek eki eselenedi, dep habarlaıdy Egemen.kz Almaty ákimdiginiń baspasóz qyzmetine silteme jasap.
Búgingi tańda Almatyda 44 soǵys ardageri turady.
Almaty máslıhatynyń depýtattary VIII shaqyrylǵan máslıhattyń kezekten tys XVI sessııasynda qala ákimi Erbolat Dosaevtyń Uly Jeńistiń 79 jyldyǵyna oraı soǵys ardagerlerine birjolǵy tólem mólsherin 2 mıllıon teńgege deıin arttyrý týraly bastamasyn biraýyzdan qoldady.
Aıta keteıik, jyl saıyn Jeńis kúnine oraı ardagerlerge 1 mıllıon teńge kóleminde birjolǵy áleýmettik tólem tólenedi.
«Almaty qalasy ákiminiń tapsyrmasy boıynsha biz birjolǵy áleýmettik kómekti 1 mıllıon teńgege ulǵaıtý týraly sheshim engizemiz. Bıyl ardagerler 2 mıllıon teńge kóleminde birjolǵy kómek ala alady», dep túsindirdi Almaty qalasy Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov.