Sý tasqyny saldarynan kelgen shyǵyndardy óteýge «eGov mobile» qosymshasy arqyly ótinish berýge bolady. О́tinimderdi qabyldaý qyzmeti sý tasqynynan zardap shekken óńirlerdegi barlyq azamatqa qoljetimdi.
Jańa servısti paıdalaný úshin azamattarǵa «eGov mobile» qosymshasynyń basty betine ótip, tıisti batyrmany tańdaý jetkilikti. Bul qyzmetti Sıfrlyq damý, ınnovasııalar jáne aeroǵarysh ónerkásibi mınıstrligi Eńbek jáne halyqty áleýmettik qorǵaý mınıstrligimen jáne Ulttyq aqparattyq tehnologııalar aksıonerlik qoǵamymen birlesip ázirledi.
Eger ótinim qaǵaz túrinde berilgen bolsa, ony qaıta jiberýdiń qajeti joq. О́ıtkeni bir ret jiberilgen aqparat avtomatty túrde esepke alynady. Qazirgi tańda mınıstrlik gýmanıtarlyq kómek tasymaldaıtyn drondardy iske qosyp jatyr. Amerıkadan jetkizilgen 3 dron sý tasqynynan zardap shekken aımaqtarǵa gýmanıtarlyq kómek tasymaldaıdy. «ARC Drones qurylǵylary Atyraý qalasynda jáne Tótenshe jaǵdaı mınıstrligi qyzmetkerlerimen birlesip eń shalǵaı jáne jetkizý qıyndyq týǵyzatyn jerlerge azyq-túlik, dári-dármek pen basqa da ómirlik mańyzdy materıaldyq quraldardy shuǵyl tasymaldaý jumystaryna kirisýge daıyn», dedi Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın.