«Izdengen jeter muratqa» degen osy shyǵar. Otandyq ónertapqysh Ábdimútáli Durmanov elektr energııasyn óndiretin kıiz úı pishindes qurylǵy oılap tapty. Jel men sýdyń jáne kún sáýlesiniń áserimen qozǵalysqa túsetin bul «kıiz úı» elektr stansalarymen salystyrǵanda qýatty 3 ese kóp ári 2 ese arzan baǵada óndirýge múmkindik beretin kórinedi. Jeldiń baǵytyna qaramastan kez kelgen jaǵdaıda energııa óndire alatyn artyqshylyǵy bar qondyrǵyny jasaý úshin avtor 18 jyldan astam ýaqytyn arnapty. Qazir ol osy jobany EKSPO-2017 kórmesine usynýdy josparlap otyr. Á.Durmanov: «Qondyrǵynyń kólemi neǵurlym úlken bolǵan saıyn odan alynatyn elektr qýaty da arta túsedi. Ony kez kelgen jerge ornatýǵa bolady. Shymkenttegi zaýyttardyń biri qyzyǵýshylyq bildirip, «kıiz úıdiń» óndiristik nusqasyn jasady. Endi quraldy qosalqy bólshektermen jabdyqtap, synaqtan ótkizý ǵana qaldy. Buǵan 1 mln. teńge qajet», – deıdi. О́nertapqyshtyń aıtýynsha, eger muny qoldaıtyn ınvestorlar tabylyp jatsa, joba ózin ózi 1 jylǵa jetpeı aqtaıdy eken. Joldybaı BAZAR, «Egemen Qazaqstan».