Jylyoı aýdanynyń ortalyǵy Qulsary qalasyn tasqyn sýdan tazartý jumystary jalǵasyp jatyr. Soǵan qaramastan 12 myńǵa jýyq adam úıine oraldy.
Jylyoı aýdanynyń ákimi Jumabek Qarajanovtyń málimetine súıensek, Qulsary qalasynan evakýasııalanǵan turǵyndardyń arasynda úıi sýǵa ketpegen turǵyndar da bar.
«Qazir Qulsary turǵyndarynyń basym bóligi oraldy. Olardyń ishinde turǵyn úıi sýǵa ketpegen, biraq, evakýasııa jarııalanǵan ýaqytta qaladan ketip qalǵan azamattar da bar. Osylaısha, 12 myńǵa jýyq adam óz úıine oraldy. Turǵyndardyń keıbiri aǵaıyn-týystarynyń úıine ornalasty. Áli de evakýasııalyq pýnktterde, jaldamaly páterlerde turyp jatqan adamdar bar. Turǵyndar úıine dezınfeksııalaý jumysyn júrgizip, qalpyna keltirýdi qolǵa aldyq», dedi Jumabek Qarajanov.
Oblystyq jedel shtab usynǵan málimetke qaraǵanda, Jylyoı aýdanynan 36 myńǵa jýyq adam evakýasııalanǵan.
«Qazir Mańǵystaý oblysyndaǵy evakýasııalyq pýnktterde turyp jatqan qulsarylyq turǵyndardyń sany – 1800 adam. «Teńiz» qalashyǵyndaǵy jataqhanalarda 600-ge jýyq turǵyn qalyp otyr. Al Qulsary qalasyndaǵy evakýasııalyq pýnktte 170 adam ornalasqan», dedi oblystyq jedel shtab ókilderi.