Qazaqstan azamattary kóp jaǵdaıda jyljymaıtyn múligin onlaın tirkeıdi. О́tken jylmen salystyrǵanda «Blockchain» tehnologııasy arqyly jasalatyn mámileler sany 2,5 esege artty. 2024 jyldyń birinshi toqsanynda osy baǵytta shamamen 25 myń operasııa oryndaldy, dep jazady Egemen.kz.
Búgingi kúni ekinshi deńgeıli bankterdiń platformalary arqyly kepildi (qaıta kepilge qoıýdy) jáne onyń toqtatylýyn onlaın rejımde tirkeýge bolady. Aıta keteıik, bul qyzmet Astana, Almaty jáne Shymkent qalalarynda, sondaı-aq Túrkistan, Qaraǵandy jáne Almaty oblystarynda suranysqa ıe.
Sonymen qatar Memlekettik korporasııa qaryz sharty boıynsha talap etý quqyqtaryn basqaǵa berýdi jáne shart talaptarynyń ózgerýin tirkeý múmkindigin iske asyrdy. Buǵan qosa, turǵyn emes úı-jaılardy kepildi tirkeý de qoljetimdi.
Blockchain tehnologııasy bankterdiń jyljymaıtyn múlikti kepilge alý arqyly nesıe berý kezindegi nesıelerdi onlaın rásimdeýdi jeńildetedi, shyǵyndardy azaıtady jáne ótinimderdi qaraý merzimderin qysqartady. Osy ádis páterdi burynǵydaı 3 kúnde emes 1 saǵatta rásimdeýge múmkindik beredi.