Eks-mınıstr Qýandyq Bıshimbaevtyń isine qatysty sot prosesi aıaqtalýǵa jaqyn. Astana qalasynyń qylmystyq ister jónindegi mamandandyrylǵan aýdanaralyq sotynda ótip jatqan sot otyrysynda eki aıyptalýshy – Qýandyq Bıshimbaev pen Baqytjan Baıjanov sońǵy sózin aıtty, dep habarlaıdy Egemen.kz.
Qýandyq Bıshimbaev buǵan deıin aıtylǵan faktilerdi eske salyp, Saltanat Núkenovany qatigezdikpen óltirý oıynda da bolmaǵanyn jetkizdi.
Ol Saltanat Núkenovanyń týystary men jaqyndarynan keshirim surap, alqa bıler ádil sheshim shyǵaratynyna senim bildirdi.
«Men kinálimin. Moıyndaımyn. Biraq qasaqana óltirgen joqpyn», dedi Bıshimbaev.
Baqytjan Baıjanov ta sottaǵy sońǵy sózin sóıledi.
«Iá, qyzmetkerlerdi úılerine qaıtaryp, meıramhanany jaýyp, beınejazbalardy óshirýdi buıyrǵanymdy jasyrmaımyn. Biraq sol kezde aýyr qylmys jasalǵanyn bilgen joqpyn. Saltanattyń týǵan-týystarynan keshirim suraımyn. Marqumnyń jatqan jeri jaıly bolsyn», dedi Baıjanov.
Eske salaıyq, burynǵy Ulttyq ekonomıka mınıstri Qýandyq Bıshimbaevqa azamattyq nekedegi áıeli Saltanat Núkenovany asa qatigezdikpen óltirdi degen aıyp taǵylyp otyr.