Reseıden kelgen tasqyn sýynyń 80 mln tekshe metri Batys Qazaqstan oblysynyń Qamys-Samar kólderine jiberildi. Atalǵan kólderge sońǵy 20 jyldan beri sý barmaǵan eken, dep habarlaıdy Egemen.kz.
Sý resýrstary jáne ırrıgasııa mınıstrligi baspasóz qyzmetiniń habarlaýynsha tasqyn sýyn kólder júıesine jiberý jumysyn jergilikti «Qazsýshar» fılıalynyń mamandary júrgizip jatyr. Qamys-Samar kólderi kıikter men basqa da janýarlardyń kóshý jolyndaǵy tabıǵı sýat kózi bolyp tabylady.
Atalǵan oblysta sýdyń negizgi kózi – Jaıyq ózeni. Bul ózen arqyly kelgen tasqyn sýy vedomstvonyń «Qazsýshar» mekemesine tıesili Jaıyq-Kóshim sýarý-sýlandyrý júıesinde jınalady.
«Sonymen qatar «Qazsýshar» mamandary sońǵy jyldary keýip qalǵan Edilsor, Jaltyrkól, Birqazan, Sorkól, Saltanat jáne basqa da sý aıdyndaryna sý jibere bastady. Sondaı-aq Balqash kóline, Kaspıı teńizine sý jiberý jumysy jalǵasyp jatyr», dedi mınıstrliktiń resmı ókili Móldir Ábdýalıeva.