«Nur Otan» partııasy Respýblıkalyq qoǵamdyq qabyldaýynyń jetekshisi bolyp Abylaıhan Ospanov taǵaıyndaldy.
Abylaıhan Ospanov L.N.Gýmılev atyndaǵy Eýrazııalyq ulttyq ýnıversıtetin «Aqparattandyrý» mamandyǵy boıynsha támamdaǵan. 2006-2010 jyldary ońtaılandyrý jáne basqarý jobasy boıynsha bólimderdegi kommersııalyq uıymdarda jumys istedi.
2010-2014 jyldary Ishki ister mınıstrliginde aǵa ınjener, Baılanys jáne aqparat mınıstrliginiń aqparattyq tehnologııalar salasy Memlekettik saıasat departamenti dırektorynyń orynbasary, Kólik jáne kommýnıkasııa mınıstrliginiń Memlekettik qyzmetti avtomattandyrý jáne halyqqa qyzmet kórsetý ortalyqtarynyń qyzmetin úılestirý boıynsha baqylaý komıteti tóraǵasynyń orynbasary, Elektrondyq qyzmet jáne baılanys pen aqparat boıynsha agenttiktiń HQO damytý departamentiniń dırektory qyzmetterin atqardy.
Bul qyzmetke taǵaıyndalǵanǵa deıin Investısııa jáne damý mınıstrliginiń Baılanys, aqparattandyrý jáne aqparat boıynsha komıtetiniń memlekettik qyzmet kórsetýdi ońtaılandyrý basqarmasynyń jetekshisi qyzmetinde boldy.
«Egemen-aqparat».