Qazaqstanda shyǵarmashylyq úıirmege jazylý kezegin endi avtomatty aqparattyq júıe júrgizedi. Onda balanyń jáne zańdy ókiliniń tolyq aty-jóni (bolǵan jaǵdaıda), shyǵarmashylyq úıirmeniń túri, ótinimniń nómiri men ýaqyty, kezekte turǵan rettik nómiri kórsetiledi. Aqparattyq júıe usynǵan málimet negizinde shyǵarmashylyq úıirmelerdiń tizbesi qurylady, dep habarlaıdy Egemen.kz QR Mádenıet jáne aqparat mınıstriniń buıryǵyna silteme jasap.
Kezek balalardyń zańdy ókilderiniń bergen ótinishteri boıynsha balanyń jas shekteýleri eskerile otyryp, ónim berýshiniń árbir shyǵarmashylyq úıirmesi boıynsha jeke qurylady.
«Ishki ister organdarynda esepte turǵan devıantty minez-qulyqty balalar aqparattyq júıege birinshi kezekte tirkeledi», delingen qujatta.
Zańdy ókilderdiń ótinishti keri qaıtarýyna nemese joldama alýyna, sonymen qatar balalardyń kezekten ketýine baılanysty kezekte turǵan pozısııa tómendeıdi, al kezekke qaıtarylýyna baılanysty ósý baǵytynda jyljıdy. Bul erejeniń 14-tarmaǵyna sáıkes iske asyrylady.
Aıta ketsek, kezekte oryndardy aýystyrýǵa ruqsat etilmeıdi.
«Bul túzetýler normatıvtik quqyqtyq aktini aqparattyq júıeniń qoldanystaǵy fýnksıonaldyq múmkindikterine sáıkes keltirý maqsatynda engiziledi», dep túsindirdi mınıstrlik ókilderi.
Altynaı ABDYSh,
EUÝ stýdenti