Qazaqstan Respýblıkasy Memlekettik qyzmet isteri agenttiginiń Astana qalasy boıynsha departamenti memlekettik qyzmetterdi alý kezinde qyzmet alýshylardyń quqyqtaryn qorǵaý maqsatynda belsendi sharalardy qabyldaıdy, dep jazady Egemen.kz.
Máselen, jýyrda Departament júktilikke jáne bosanýǵa baılanysty kirisinen aıyrylý jaǵdaıy boıynsha áleýmettik tólem taǵaıyndaýdan negizsiz bas tartýǵa qatysty aryz ıesiniń shaǵymyn qarastyrdy.
Aryz ıesi 2024 jylǵy 12 naýryzda júktilikke jáne bosanýǵa, bala bir jarym jasqa tolǵanǵa deıin onyń kútimine baılanysty kirisinen aıyrylýyna, asyraýshysynan, jumysynan aıyrylýy jaǵdaıy boıynsha áleýmettik tólem taǵaıyndaý memlekettik qyzmetterin alý úshin «Azamattarǵa arnalǵan úkimet» MK KeAQ Astana qalasy boıynsha fılıaly arqyly ótinim bergen.
Alaıda aryz ıesiniń suraý salýy qujattar toptamasynyń tolyq emestigine baılanysty pysyqtaý úshin 5 ret keri qaıtarylǵan. Qyzmet alýshy sebepterdi anyqtaý jáne kemshilikterdi joıý maqsatynda Memlekettik korporasııaǵa birneshe márte qaıyrylǵanymen, talap etiletin qujattar tizimi týraly túrli jaýaptar alyp otyrǵan.
Joldanymdy qarastyrý maqsatynda Departament Astana qalasy boıynsha «Memlekettik áleýmettik saqtandyrý qory» AQ fılıalyna suraý saldy.
Nátıjesinde aryz ıesiniń 21.04.2024 jylǵy «Bala bir jarym jasqa tolǵanǵa deıin onyń kútimine baılanysty kirisinen aıyrylý jaǵdaıy boıynsha tólenetin áleýmettik tólem taǵaıyndaý», 13.05.2024 jylǵy «Júktilikke jáne bosanýǵa, jańa týǵan balany (balalardy) asyrap alýǵa baılanysty kirisinen aıyrylý jaǵdaıy boıynsha áleýmettik tólem taǵaıyndaý» týraly ótinimderi 6 jáne 16 mamyr kúnderi oń sheshimin alǵany anyqtaldy.
Osylaısha qyzmet alýshyǵa atalǵan áleýmettik tólemder taǵaıyndaldy. Der kezinde qabyldanǵan sharalar men aryz ıesiniń máselesi sheshilýine baılanysty shaǵym keri qaıtaryp alyndy.
Memlekettik qyzmetter kórsetý kezinde quqyqtar buzylǵan nemese memlekettik qyzmetter kórsetýdi jetildirýge qatysty usynystar bolǵan jaǵdaıda azamattar Saryarqa dańǵyly, 13 mekenjaıy boıynsha Departamentke jazbasha túrde nemese «Elektrondyq úkimet» veb-portaly, «E-Otinish» azamattardyń barlyq ótinishterin qabyldaý men óńdeýdiń biryńǵaı platformasy arqyly elektrondy túrde, sonymen qatar EgovKzBot2.0 «Keńes1414» telegram-boty arqyly júgine alady.